المشاركة الأصلية كتبت بواسطة بطاح بن وساح بن وضاح (المشاركة 244484)

نشكرك على هالموضوع الرائع

اولا الشاعر لايكسر اللي يكسر هذا مايعتبر شاعر لكن اذا كان في بداياته قد يغض الطرف عنه ويوجه لين يتمكن من الشعر

ثانيا اللي يكسر وله باع بالشعر اما انه ليس شاعر بالاساس اوانه لم يوجه لكيفية التعامل مع بحور الشعر ولكتابة الشعر الصحيح وفيه شي اخر ترى فيه شعار عمالقه يكتبون لكن عندهم اخطاء املائيه ويظن البعض ان القصيده فيها كسور

بالنسبه لنقد القصيده نعم اوافق على النقد بشرط ان يكون الناقد ينقدك ويقنعك بنقده ليس انسان لايفقه

مثال

لوقلت

اعتليت بشعري اللي هز وجدان الصدور = لين عانق نجمة الليل البعيده واعتلى

يجي واحد يقول وشلون اعتليت بشعرك ماتجي ليه الشعر طياره ولاصاروخ ولايقول وشلون عانقت النجمه مافيه انسان قدر يعانق النجمه

بالله وش رائك هل مثل هذا يفقه بالشعر

هذي وجهة نظري وبيض الله وجهك مره ثانيه على هالموضوع

المشاركة الأصلية كتبت بواسطة ذيب الغداري (المشاركة 244485)

موضوع ونقاش جميل وانا سوف ادلي بدلوي

انا مثلك اخي ارى اناس يقدمون قصائد بالمنتدى اوبالشاشه او بالمجالس ولايحسبون لها حساب

اللي يقدم قصيده قدام الناس الناس تحكم على شخصيته من قصيدته اذا قصيدته خثاريق قالو خبل وماعنده سالفه ومافيه خير والله لوانه يسواله قبيله

الشعر كلمه انت اذا رائت انسان كلامه جميل يكبر بعينك واذا رائت واحد يخثرق قلت خبل

على العموم يجب على الانسان ان لايشهر قصيده للناس الا هو مستشير فيها وعارضها على شعار حتى ماينقدون عليه الناس ولو نقدت قصيدته فيما بعد يكون انتقاد ماياثر على مستوى القصيده

والشاعر ماولد من بطن امه شاعر واغلب الشعار تسالهم عن قصائدهم بالبدايات يقولون ناسينها اوماحنا حافضينها اويعترفون بالحقيقه انها خثاريق

والشاعر اللي يقول يوم بديت وانا اضبط الوزن والقافيه والابيات صح انا اعتقد انه انسان يغالط الحقيقه

مثل الانسان اللي يقول انا يوم ولدت وانا استطيع المشي

الشعر حبه حبه بيت موزون ثم بيتين موزونات على بحر قصير

بعدين مساجله سواء محاوره اورديه من ابيات قصيره بعدين تعلم بحور الشعر

خلال ثلاث سنين من التدريب والمساجلات والرديات وانت شاعر تكتب قصيده تجملك عند الناس

ثم تبقى الموهبه وهي فطره من الله والموهبه ليست بوزن البيت اواختيار البحر الموهبه هي الفكره بالقصيده وسلاسة الابيات

وسوف احضرلك ابيات مواهب

جيت انشد الشيخ مير الشيخ ماافتاني = والشيخ وجهه بشوش ولاضحك سنه

الادمى لاسرق قلب ادمي ثاني = هو من هل النار ولامن هل الجنه

ايضا

كان الرجا في شوفتك يوم فرقاك = الله يجيب موادعك لاجل اشوفك

وكل اكثر الشعار يقدر يكتب على بحر هالبيتين لكن من يستطيع ان ياتي بفكره مثلهم ونحن مع ذلك لانطلب قصائد مواهب نريد قصائد تجمل شاعرها ماهي خثاريق


انا جمعت الفصحى بالعاميه لان الموضوع شدني وجاوبت جواب عام لاني اعتقد ان هذا الموضوع سينال اجابات متعدده من شعار اكبر مني وافضل مني على اسئلتك وانا اقدم نصيحه للشعار المبتدئين ان يدخلو بااسماء مستعاره ويعرضون قصائدهم ويلعبون مع الشعار محاورات لين يتعلمون

واذا تمكنو يعرضون قصائدهم على شعار معروفين وبعدين ينشرون قصائدهم وشكرا لك

المشاركة الأصلية كتبت بواسطة سعود العجوني (المشاركة 244489)

اقتباس:

لولا وجود الذائقه النقديه ماادركنا قيمة الغث من السمين من الادب

لكن اخي

يجب على من يتصدى للنقد ان يكون متمكنا ولايصنع من نفسه ناقدا وهو غير ملم بالنقد الهادف

النقد اخطر من الشعر

بالاضافه الى البعد عن التحيز والاهواء الشخصيه

عموما وجود شطر ثقيل في قصيده جميله لايعيبها

فالمتنبي شاعر العربيه الكبير الفت حول اخطائه الكتب تلو الكتب ومعظمها كان لغويا

ومع ذلك يظل المتنبي هو شاعر العربيه الاميز
وعن نفسي أتمنى ان يكون باب النقد

مفتوحا لمن له القدره على النقد

باب المجامله نهايته مفضوحه

كل الشكر لك على الموضوع المفيد للجميع