الا يا طير يا مهاجر على جنح الظـلام اسـراب=تـدور للدفـاء والاّ ديــارك زاهــدٍ فيـهـا
الا ياليت لو تاخذ معـك مـن بالحشـا منصـاب=يـدور للدفـاء بعيـون مـن بالقلـب يغليـهـا
تفرقنا وضاع الحلـم وغدينـا للزمـن أسـلاب=يحطّـم كـل آمــالٍ مــع الأيــام نبنيـهـا
ولا باقي سوى الذكرى تنـادي واقفـه بالبـاب=تبي من ينتشلهـا مـن عجـاج صـار يعميهـا
لك الله يازمـانٍ ماصفـى فـي يـوم للأحبـاب=يصرفهـم علـى كيفـه ولا قــدّر تواليـهـا
حبيبي لا تظن أنسـاك مهمـا كانـت الأسبـاب=عليك الله وامان الله دروب العشق مـا امشيهـا
على الذكرى اعيش اليوم وبكره ما حسبت حساب=لأجمل من مشى بالأرض غيرك لا.. ولا..ابيهـا
على شانك اعيش بعزلتي لا أهـل أو أصحـاب=ادور فجر واشراقه عسـى فـي يـوم الاقيهـا
الا يا طير لو تهجر ديـارك مـا عليـك عتـاب=أجل وش ذنب من يبقى بها مـع حـر صاليهـا
ديارٍ مـا بهـا مـن حـب قلبـي كلهـا أتعـاب=ولو حاولت ما حاولت اسلّي النفـس وارضيهـا
احس إني غريب الدار من حوله غـدو أغـراب=كسيـر ولا دروا عنّـه وحالـه فـي ترديـهـا
ظلام الكون في عيني بعد ما بدر عمـري غـاب=اعيش بلا أمل ينقـذ عـروق الـروح يرويهـا
انا مليـت مـن جـرح لهيبـه نـازفٍ ماطـاب=مسافات العـذاب وهاجـس الحرمـان اخاويهـا
الا يا طير لو تاخـذ معـك يـمّ الحبيـب كتـاب=لعلـه يذكـر ايـامٍ شربنـا مــن مظاميـهـا
وكيف اليوم ذا حالي بعد مـا فشلـت [الأطبـاب=ولا لي غير من كـان السبـب يمكـن يداويهـا