امانه لارحلتي ودّعي قلبـي شـويّ .. شـويّ=تراني منكسر .. مـن سيـرة الفرقـا وطاريهـا
تراني من هذاك اليوم .. لاميـت ولانـي حـيّ=ولا ادري عن جميـع النـاس قاصيهـا ودانيهـا
أمانة وش معي وإلا وش اللي من غيابك=اكود الوّنـه اللـي ماتعـدّت صـدر راعيهـا
على حطة يدك / كل الطعون النازفه .. هيّ هيّ=بعد .. حتى انشراحة خاطـري منـي سرقتيهـا
انا مثل الغريب .. وغربة احبابـي طوتنـي طـيّ=اجاهد ضيقتي .. وظروف وقتي ويـش اسميّهـا
ياويّ من السفر .. ومن الغياب المنتظـر يـاويّ=بلياك الحياة الهادية وش حاجتي فيها!
بعد بان الصباح .. وذعذع الغربي .. ومال الفيّ=تنّهت .. وطـرت لـي ساعـةٍ مانـي بناسيهـا
هي اللي باقية لي من لقـاك وذكريـات الغـيّ=تعزيني بعـدك مـن الجـروح اللـي تركتيهـا
فمان الله .. رووحي .. والا انا مافي يديني شـيّ=عسى عينٍ جفاهـا نومهـا .. تفـرح بغاليهـا

صح السان الشاعر

وسلمت يمناك يالمر العذب على النقل الكثر من الرائع

اكـود الوّنـه اللـي ماتعـدّت صـدر راعيهـا
------------------
ما دام الموضوع وصل للامانه فاقول للامانه ان الابداع والذوق تجمع في مرنا العذب

صح السان الشاعر

وسلمت يمناك يالمر العذب على النقل الفريد من نوعه الذي اعتدانه
من مرنا الحالي العذب
تقبل مروري وسجل اعجابي بما راق لك من نقل