موقع الشاعرغازي البراك موقع الجميع

موقع الشاعرغازي البراك موقع الجميع (http://www.gazialbrak.com/vb/index.php)
-   القصايد المنقوله (http://www.gazialbrak.com/vb/forumdisplay.php?f=109)
-   -   عـذب القـصيد _ قصآئد مختاره _ ابيات رائعه _متجدد (http://www.gazialbrak.com/vb/showthread.php?t=12892)

وليد البراك 02-25-2011 01:54 PM

عـذب القـصيد _ قصآئد مختاره _ ابيات رائعه _متجدد
 
نهـار الـوداع اقـول ياعيـن لاتبكيـن=بـلا دمـع ربـي عندنـا رافـعٍ شانـه

ترا الدمع مايوفيه حقـه وقالـت زيـن!!=الى مابكيته ويـش اببكـي علـى شانـه

وقلت اصبري لين أتقي منه وابكي ليـن=تقول الفياض انهـا مـن الدمـع ريانـه

ويوم اتقـى منـي وانـا واقـفٍ مابيـن=همومي وجـرحٍ مانـزف تـو عدوانـه

تعذرت من عينـي وقلـت البكـا تدريـن=مايصخي به الا الي فقد خيـرة اخوانـه

شجاعٍ الى صكوا عليـه الرجـال ايبيـن=وياخـذ قضـاه ويعطـي الديـن ديانـه

وانا حالفٍ بالله قـد لـي ثمـان اسنيـن=ماعاد التفت للحـب وابليـس واعوانـه

الين اعرضوا لي يوم انـا خابـرٍ ثنتيـن=وغيري لو انـه شافهـم ضـاع برهانـه

تعززت مير ازريـت ثـم التفـت ابزيـن=وهايمـت فـي لولـو حداهـم ورمانـه

يقولون لي في نجد تلقـى مـلاك الزيـن=وانا اقول هـذي غلطـتٍ مالهـا خانـه

هوى نجد لو يدري من الي سكن في العين=عذرني وجود خـط بطحـا علـى شانـه





__________________________________________________ _________________


مرحبا ياللي عـن عيونـي بعيـد=مرحـبـا والـكـاذب الله يلعـنـه
مرحبا وإن قلت نبـدا مـن جديـد=قلت هـاك القلـب دشـه وأسكنـه
والله إن قد لي وأنـا قلبـي وحيـد=وأخر أحبابـي فقدتـه مـن سنـه
أحسب إنـي كـل مـره بأستفيـد=وما أستفدت إلا الجـروح المزمنـه
شي في قلبي وشي ٍ فـي الوريـد=مابقى فـي القلـب شـي تطعنـه
وأنت من ذلحيـن لاترحـل بعيـد=وإن رحلت آمحق شهر وآمحق سنه


__________________________________________________ ____________________



ياقلب مـن قفـى وخـلاك خلـه=احذر تهين النفس واترد خسـران
قلـبٍ تملـل منـك ياقلـب ملـه=طبه ولو للحب بك ظرب واكـوان
عـزة كسيـر ٍ مارضـى بالمذلـه=وموتت شجاع اولا حياة ٍ بحقـران
لو كل متمسكن لقى حاجتـن لـه=والله ما اجيد المسكنه والتمسكـان
الله خلـق لـي عزتـن مستقلـه=أموت عادي بس لايمكـن انهـان
يابو سعيد امسي على حـر ملـه=كله من الفرقى ولوعات الاحـزان
عليك اعنـز مـن ثقيلـن بشلـه=وانا يمينك لاتراخـت بـك ايمـان
فقدت اعز إنسـان بأسبـاب زلـه=وأكبر مصيبه كلهـا زلـة لسـان


___________________________________


من هو طلب منك الرضا ماهمني لو ترفضين=ماجيت لجل أسامحك جيتك انا باودعـــــــــك

تذكري من هو معاك أيام مرت من سنـــــــين=يكتبلك احساسه قصير في وسـط عينه مربعك

تذكري من هو عشق يعيش بأيامــــــــه حزين=عطاك كل عمره فرح واشواق حبـــــه متعك

تذكري من هو شكى من دمعته هم وأنـــــــين=تصرخ مقادير الزمان لامر وقته هو مــــــعك

تذكري شمعة أمل كانت بدنياناتضــــــــــــين=ترقص مشاعرنا ولاتحكي تقــــولي واسمعك

تذكري ياناسيه تذكـــــــري لوتـــــــــذكرين=مادار بذهني ابد أنــــــي بيوم أودعك

__________________________________________________ __________________



مكتوب للكامل يجي فيه نقصان....ومكتوب للناقص زمانه يزيده
احيان نتكبر على الحزن واحيان....بكل ادب نمشي مع الحزن سيده

_______________________________________________

اخترت تجرحني وانا اخترت اسامح

وكلٍ يبين معدنه باختياره

_____________________________


لا شفتني ابطيت عنك ولاجيت

> خيرها بغيرها <
سلم علي نفسك تراني نسيتك
________________________


موجـود فالدنيـا ولانيـب موجـود
في غيبتك كنّي مـن العقـل خالـي

يا مالكٍ قلبي تـرا الوقـت محـدود
انـا دخيلـك لا تــزوّد هبـالـي

حبّك تمكن .. صار من زود في زود
وارتاح لا هبـت هبـوب الشمالـي

تلوفني في ريحـة المسـك والعـود
وتسوقني يمـك علـى كـل حالـي

اسرفت بي بالقـد وعيونـك السـود
والخد برقٍ في دجـا الليـل عالـي

هافي حشا كنك مضمّـر ومجـرود
يامدمـج الساقيـن يـاراس مـالـي

خليتنـي مابيـن حاسـد ومحسـود
واشغلـت قلبـي يابعيـد المنـالـي

يا من على شانك ليـا هبـت النـود
افز مـن نومـي واجـادل خيالـي

واقول يكفي هجر وعنـاد وصـدود
كني معـك واثـري وحيـدٍ لحالـي

تبي الصراحه ما ورا صدتـك فـود
بقولهـا واللـي طرالـك طـرالـي

لاجيتنـي كنـي مبشـر بمـولـود
وان غبت كني مـن يعـزى بغالـي

_____________________

هذي رهيبه مررره


من كثر ماكنـت ! جارحنـي وظالمنـي ..
قمت اعـزل جروحـك بقلبـي واسميهـا

الصـوره اللـي ( بجوالـي ) تعذبـنـي
...ياكثـر ماجيـت ابمسحهـا ! واخليـهـا

ياللي جفيـت وجفـاك المـر .. ذابحنـي
...عقبك وجيـه البشـر .. مانـي بدانيهـا

من يوم حبك .. غـزى القلـب وتملكنـي
........قطعـت كـل العـلاقـات وطواريـهـا

اقـرى رسايلـك ودمـوعـي تسابقـنـي
..وارد ! واقرى الرسايل .. واحتفـظ فيهـا

انت آخر انسـان هاقـي منـه يصدمنـي .
.....والظاهـر ان هقوتـي بانـت مواريـهـا
لـو الوصايـا ليـا احتديـت ! تنفعنـي
.......ياكثـر نـاس ٍ علـى ذودي بوصيـهـا

ليت الفـرح ( بنـك ) لاجيتـه يسلفنـي
....واقاصـده ( راحتـي ) وحقوقـه اوفيهـا

من كثر ماكنـت ! جارحنـي وظالمنـي
...قمت اعـزل جروحـك بقلبـي واسميهـا

تـدري وش اللـي يبكينـي ويضحكنـي
..........انـك محـامـي قضيتـنـا وقاضيـهـا

تدري متـاك ؟ تعـرف قـدري وتفقدنـي
..لارخصت نفسك ,, لشخـص ٍ مايراعيهـا

بكـره الا هملـوك الـنـاس تذكـرنـي
.........وتقول عـزاه : عينـي مـن يداريهـا ؟

مدام غيـري ؟ علـى قلبـك مشاركنـي
......وش هـو لـه ؟ اعلـق الأمـال وابنيهـا

يكفينـي انـك رحلـت ومنـت عايفنـي
.......هذا عـزا النفـس مـن كثـرة بلاويهـا

اهديتك : دمـوع مـن طعنتـك تحرقنـي
......وانـت اللـي تستاهـل الدنيـا ومافيهـا

واهديتني جرح .. موجعني ؟ وعاجبني ؟
.........لــن الهـدايـا عـلـى مقدار مهديـهـا

صحيح ! ( حنا انتهينا ) .. بس صدقني !!
...والله ان تبقى ( هوى روحـي ) وغاليهـا

مفضوح ؟ راع الهيام .. ونظرته !! تغني
.....ملامحه واضحه ! , في وجهـه راعيهـا

لكـل داء ٍ دوا .. لـو هــو متعبـنـي
........إلا محبتـك ؟ .. أعيـت مـن يداويـهـا

ان قلـت : علمنـي انسـى ؟ لاتعلمنـي
.........دنيـاي لامـن نسيتـك ويـش تاليـهـا

فارقتنـي وضحكتـك عيـت تفارقـنـي
.............والله يلعـن ابــو الفـرقـا وطاريـهـا

مقدر !! أفكر بغيرك ؟ .. وانت عارفنـي
..عشان حاجه ؟ بقلبي .. مقدر !! أخفيهـا

اخاف لاحبنـي غيـرك ؟ .. وعاشرنـي .
........يشوف صورتـك فـي عينـي ويوحيهـا

نشدت عنك ؟ وسمعـت اللـي يفرحنـي
...........وارتاح صـدري مـن همـوم ٍ يحاتيهـا

تبي تعرف ! وش ؟ على الفرقا مصبرنـي
...........انـك بخيـر .. وحياتـك مهتنـي فيهـا

مـن يـوم ماغبـت ! والوحـده تعذبنـي
.......اقرى ( رسايلك ) فـي حرقـه والاحيهـا

اشوف ( صورتك ) .. ودموعي تسابقنـي
.........وياكثـر ماجيـت أبمسحهـا ؟ وأخليهـا

وليد البراك 02-26-2011 01:07 AM

رد: عـذب القـصيد _ قصآئد مختاره _ ابيات رائعه _متجدد
 
وينك ؟! مخليني لنـزّاع الارواح=لا من بروق الدمع للعين لاحـت
أزريت أجاوب نايح الورق لا ناح=وأنعى ركاب ٍٍ عن طريقي تناحت
على كثر ما أهديتني صد وإجراح=ياليت روحي من هواك إستراحت
وياليت قدرك من سما ناظري طاح=مع دمعة ٍٍ من محجر العين طاحت

--------------------------------:-------------------------



قال : الظروف ..!
قلت : يالله عسى خير ..
قال : الرحيل !؟
قلت : بالامر خيره

وليد البراك 02-26-2011 01:09 AM

رد: عـذب القـصيد _ قصآئد مختاره _ ابيات رائعه _متجدد
 
تبي تعرف وش أقسى من ألم بات بصدر مقهور
جفاف الضحكه بشفة جريح في وسط فرحه

يجي والضحكه بعينه تغازل بالحنين شعور
ويرحل شايل بعينه دموع وفي يده جرحه

وليد البراك 02-26-2011 01:09 AM

رد: عـذب القـصيد _ قصآئد مختاره _ ابيات رائعه _متجدد
 
من غلاتك انتظر لحظة لقاك .... لو يمل الصبر من زود الصبر

لو يروح العمر بقعد في رجاك .... بنتظر ثم انتظر ثم انتظر

وليد البراك 02-26-2011 01:10 AM

رد: عـذب القـصيد _ قصآئد مختاره _ ابيات رائعه _متجدد
 
لاقلت تكفى .. فز لـي ألـف رجًـال=ذيب ٍ و ربعـي كـل ابوهـم .. ذيابـه..!

وليد البراك 02-26-2011 02:36 AM

رد: عـذب القـصيد _ قصآئد مختاره _ ابيات رائعه _متجدد
 
ليتك تموت اليوم وارتاح انا منك
ويرتاح قلب بالخيانه طعنته
ليتك تموت وبثوب اسود اكفنك
واطوي معك صفحة عذاب رسمته
ليتك تموت وبداخل القبر انا ادفنك
وادفن مع الجثمان جرح جرحته
ليتك تموت ومحد درى عنك
غير الخفوق الي وفالك وخنته
ليتك قبل ماتموت في صدرك اطعنك
وأصيح باعلى صوتي حقي واخذته
يلعنك قلبي والاحاسيس تلعنك
ويلعنك دمع صادق لك نثرته
جننتني ياجعل ربي يجننك
لا وياحسافه ليلي الي سهرته
منت بكفو قلبي له سنين صاينك
منت بكفو للي من اجلك فعلته
غدار خاين خنت قلب مئتمنك
قلبي عطاك الحب وبيدك ذبحته
وش موقفك لو كنت انا اليوم خاينك
ايش هو شعورك لو فؤادك غدرته
*********************************************

وليد البراك 02-26-2011 04:11 PM

رد: عـذب القـصيد _ قصآئد مختاره _ ابيات رائعه _متجدد
 

البارحه سالت مـن الدمعـه عيـون
آسف كلامي من همومي(إ) متشابـك ..!!
البارحه سالت دموعي مـن عيـون
ماضامهـا الا روحتـك ثـم غيابـك
حالي بعد فرقاك من دون فـي دون
ماعاد أميّـز واقعـك مـن سرابـك


عوّد وأنا ياتـرف الأقـدام ممنـون
خيـرك كثيـر وطيّـب الله ترابـك
غلطه وأنا غلطان وإبليـس ملعـون
صفحه وشققّهـا مـن آخـر كتابـك
السالفه هرجه على لسـان ملسـون
عاذل وشا بي فالهـوى ثـم وشابـك
تدري في قلبي يا حياتي وش (إ)تكون
مايجـري الـدم فعروقـي سوابـك
يعني حياتي مالهـا طعـم أو لـون

إلا اذا ارتبطت في حضرة جنابـك
من زود ماأحبك وأهيم بـك بجنـون
ماباقي الا أدخل معـك فـي ثيابـك
حظي كذا لا تنشـد الحـظ وشلـون
حظّي رماني في طريقـك وجابـك
ودّك تشوف أصدق محبّه في هالكون
شف جلستي وأنا أنتظر عنـد بابـك
وودّك تعرف أن العمر صدق مرهون
شفني شريت مـن السعـاده عذابـك

وليد البراك 02-26-2011 04:16 PM

رد: عـذب القـصيد _ قصآئد مختاره _ ابيات رائعه _متجدد
 
لا ضـاق صـدري قمـت اقلـب رسايلـك =يـا كـود تطفـي بـعـض نـيـران شـوقـي



مـتـى تهـلـهـل فـــي سـمـانـا هـلايـلـك= ويسعـد بشوفـك ياغـلا الـروح مـوقـي



مـتـى يـجـي لليـلـك وتـغــرب قـوايـلـك= الـلـي بسبـبـهـا صايبـتـنـي الـحـروقـي



اغليك ..؟! إيه اغليك ٠٠ لانه مثايلك= نــادر وبــك اخـــلاق تـفــرق فـروقــي



يكفـي خـلاص ارجـوك قـرب طوايـلـك =واطــو البـعـاد الـلـي معـتـم شـروقــي



يـاعـل ثــوب الخـيـر يكـسـي وسايـلـك= وتقـضـي حيـاتـك مــا يقابـلـك عـوقــي



وليد البراك 02-26-2011 09:50 PM

رد: عـذب القـصيد _ قصآئد مختاره _ ابيات رائعه _متجدد
 
الله يسآمح غيآبك كيف دمـرني
والله يسآمحك قبل يسآمح غيآبك


يآمـآ على ديرتك هالحب يأمرني
لوأن دربي صعيب يهون لحسآبك


مآني بلاقيك بس الشوق سيرني
اجيك سـآري الين أوقف على بابك


لو شفت شوقي قسم بالله تعذرني
والله غيآبك لعب بالحيل فـ احبآبك


جبرك ظرفك تخليني وتهجرني
والا انت خوفك علي حتى من اقرآبك


لك ذكريآتـ (ن) عليهآ الشوق يجبرني
في كل ذكرى تمر امـوت واحيآبك


غآيب وأشوفك تجي يمي وتسهرني
اتخيلك وابتسم وأحضنك وشقـآبك


اقعد اسولف واقول البعد بعثرني
محتآج لك والله اللي برحمته جآبك


اقرآ رسـآيلك في غيآبك وتقهرني
فيهآ الحزن والفرح والشوق وعتآبك


اول رسآله وصلتني منك تشكرني
على اهتمآمـ(ن)لمسته زود إعجآبك


في وقتهآ فرحتي بالحيل تغمرني
نسيت حـزني وهمـ(ن) رآح بـاسبآبك


وآخر رسآله بظرف البعد تخبرني
تحلف لي أن الدمع مآ فآرق اهدآبك


تقول عذرآ على الفرقى وقـدرني
والله يهنيك في دنيـآك وأصحآبك


كآنت رسآلتك فيهآ اللي يدمرني
ادري بـأن الجرح مآ كآن في حسآبك


جيت أتصل بك وخفت الدمع يكسرني
مآ ابي تشيل الحـزن يكفيك مآصآبك



اكتب لك وسآعة الفرقى تحآصرني
من سرعهآ زحمة الافكآرتتشآبك


والله احبك عسى ربي يصبرني
ومهمآ تسآفر بكون اقرب منث يآبك


هذي امـآنه معك بالخير تذكرني
يمكن بعدهآ تموت ولا أعرف ترآبك



بعيش عمري لحآلي وانت خآبرني
يآمـآ كتبت أوعدك مآ انسآك في كتآبك


وينك .. علآمك رحلت ولا تنآظرني
من عقب شوفك وشرح الحآل بغيآبك


أثـره خيآله خذآني بعيد سهـرني
نفس الشكل والملآمح والوعدحآبك


الله يسآمح غرآمه كيف دمرني
نآظر ياقلبي حـبيبك ويش سوآبك

وليد البراك 02-26-2011 10:09 PM

رد: عـذب القـصيد _ قصآئد مختاره _ ابيات رائعه _متجدد
 
يا حلو الأيام لو ترجع على كيفـــــــي
ما كان قلبي شكى فرقا مواليفـــــــــه
كانوا بقربي ولا يحتاجوا تكليفـــــــــي

واليوم راحوا ودمعي صعب توقيفــــه
من عقب الأحباب مكسورة مجاديفــي
غرقان والموج يلعب بي على كيفــــه


الساعة الآن 06:20 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi