ان عشت ياراسـي كسيتـك عمامـه=وان مـت ياراسـي فدتـك العمايـم
ياراس شيبـك مـا بـدا بـك مذلـه=والشيـب تكـرم بـه كبـار اللمايـم
الاجواد يكـرم شيبهـا فـي مشيبهـا=نقالـة القالـة محـوص الصـرايـم
ياما نطحنا فـي الصبـا مـن قبيلـه=يوم الصبـا والكيـف للرمـح رايـم
ويامـا خذينـا تونـا مـن كسـابـه=بسيوفنـا راحــت تقـسـم غنـايـم
ويامـا نسفناهـم علـى جـال وادي=ويامـا نحونـا فـوق سـود الشكايـم
اربعمائـة خيـال جـونـا مسـيـره=جونا يبـون الغـرس حلـو الطعايـم
وقالـو يسـار الغـرس والايميـنـه=امس لكم واليـوم جـاء فيـه سايـم
وقلنا لهم من دونـه المـوت حامـي=اليوم نهدي الـروح نخشـى اللوايـم
وثنيتهـا لعيـون غــرس بكـايـر=يثمـر بهيبتـنـا غصـونـه نعـايـم
واخذت اطاردهـم وانـا فـوق قبـاء=مثل الهدود اللي عن العشـب صايـم
تلحـق ليـا غـارت ولا يلحـق بهـا=شـقـراء ولا ضريتـهـا للهزايــم
من يوم بان الفجر ليا اعتلا الضحـى=وحنـا نقـلـط للمسـيـر عـزايـم
والله عطانا منصـب الحـظ والظفـر=يـوم التقـت بيـن القـروم الولايـم
يوم اسلمـوا للمنـع واسنـدت عنهـم=لياهم كمـا عشـب لفـح بـه سمايـم
هذا اسيـر وهـذاك يومـه دنـا بـه=وهـذاك مكسـور وهـذاك شـايـم
هـذا زمـان فـات مـا ينفـع المنـا=يوم اذكـر الماضـي تزيـد العظايـم
الراس شاب وثالثه رجلـي العصـاه=الله يوقـض قلـب مـن كـان نايـم
انـا ابـن سـرار علومـي قديـمـه=محي عسرها طيـب الليالـي القدايـم
وانا في رجاء عمر وعمر وراء الشفاء =عساه اليا جانا ترد اللزايم
لعـل قبـل المـوت نسمـع بشيـره=بجـاه مـن يحـي العظـام الرمايـم
لـو ان غالـي حبنـا فـي بـلادنـا=غنيمـه تحضـى الغـنـا والغنـايـم
لكـن غالـي حبنـا فــي لــداده=سحيمسـة قشـراء وجـات ابهـايـم
لولا لحاهم قلـت ذولا مـن النسـاء=عيون الحبارى شافت الصقـر حايـم
وصلاه ربي عد مـا ذعـذع الهـواء=على النبي واصحابـه اهـل الكرايـم