موقع الشاعرغازي البراك موقع الجميع - محاورة ثويمر العجوني و سيف الذهب

سيف الذهب

سلام ردية وفاء ومضمونها علم وخبر=ارقابها راس الطويل الفذ والساري سرى

في صفحة العاشق من العشاق به خطً حمر= احدً على حد القمر واحدً على حدالثرى

ثويمر العجوني

يامرحبا ترحيبتاً كلاٍ يلد الها النظر=قدام هذي عنك ياسيف الذهب محدٍ درى

بعددخلت بشرهة العاشق نعقدالموتمر= ونشوف وش علمن معاك الله منك يسترى

سيف الذهب

انا رقيت بعالي المشرافيه ما انظر حدر= واخذت لي مقيال والصدر الحزين اتوترى

ورميت للعاشق على سفح العشق خمسة درر=ومديت شوفي والطريق اللي تباينت اقفرى

ثويمر العجوني

كل اكثر العربان من فوقك على سطح القمر= يامشرف المرقاب لافتحت عينك وش ترى

ياسيف لك وجهة نظر والغيرله وجهة نظر=لولا اختلاف انظاركم مصار بيع ومشترى

سيف الذهب

مريت من تسع الهوادي وانت يكفيك الصبر= راجع حساباتك لا اقول الضيف ماحصل قرى

نطقت كلمة عقل والجاهل يفكرها سحر= بالماقف المشهود يامشهود من رد البرى

ثويمر العجوني

هرج ٍ ورى اسم ٍ مستعار يصيرماهومعتبر= يامكثر اللي يخفي اسمه وان هرج هرج افترى

كلا ٍ يقول العلم عندي والشجاعه والظفر=وانا الحقيقه ماعرفت الاالمثالي عنترى

سيف الذهب

انته تبينا انقول شفنا بعيركم ناصي مصر= مدري مسافربالحمل ولا البعير مسفرى

يبا يمر المري اللي عينه تعرف الاثر= الخط ساخن واتصال المتصل تعذرى

ثويمر العجوني

مابيك تكتب لي سطر واحد وتطمرلك سطر= ابيك تكتب شي يقنعني بخط مسطرى

ياسيف مدري ياذهب عرضة نفسك للخطر=هذا كلام الصدق ماهوسر قلناه اجهرى