موقع الشاعرغازي البراك موقع الجميع - تنسيق محاورة شاعر العوازم والراكد

- محاورات الاعضاء بعد التنسيق (http://www.gazialbrak.com/vb/forumdisplay.php?f=41)

- - تنسيق محاورة شاعر العوازم والراكد (http://www.gazialbrak.com/vb/showthread.php?t=791)

تنسيق محاورة شاعر العوازم والراكد

الراكد
بالموقع اللي شيده طيب الفال
يامرحبا ترحيب غالـي بغاليـه
تعال ياراع الوفاء طيب الخال
اللـي تسمـى بالعـوازم نحييـه

شاعر العوازم

بالموقع اللي للشواعير مدهـال
دام البقا من شاعرن معترف فيه
ان ماتعذّر بيننا خط الارسـال
جوازنا موجود والرحله أوكيـه
الراكد

ياصاحبي مابين مخـرج ومدخـال
أحدن يجيـب العلـم وحـدن يوديـة
يحلـهـا يــا طـيـب الـعـرف حــلال
العرف واضح وانت يارجل راعيه

شاعر العوازم

السوق (سلعة بيع) وألسـان دلاّل
طبيت سوقن ضيّق الله مساعيـه
لقيت وسطه بنت مع خمسة ارجال
وحلفت ماخذ حاجتي من مقاضيه

الراكد

لابـد ماتلقـى مـع السـوق حمـال
يساعـدك والحمـل عنـك يوطيـه
هذي شريحه مالهـا نـوع جـوال
واللي يلومك جرح غيرك يداويه

شاعر العواز
والله لـو انـك للشنابـات فتّـال
الحمل معك وصامل العلم توحيـه
تراك مانت معوضن روس الاموال
من رزق سوقن يجمع الزول والبيه

الراكد

يابن الحلال الفعل من ماض الأجيال
يمكن صغير السن يجهل عوانيـه
جمعة مالي وانت في عينك خـلال
واللي أسوي منت قـادر تسويـه

شاعر العوازم

عقاب ينطح له ثمانيـن خيّـال
واهو صغير يردّهم عن بنيخيه
يبغى يتظاهر بالغنى واهو دجّال
يلقط محاصيل اليتيّم من ايديـه