على الهون ياللي تحسب انك ملكت الطيب=لياصار طيبك ماشتهر لاتمدحبه
كذب من يقول ان المراجل تجي وتغيب=ولوهو مثل لامقتنع به ولاانصحبه
ماغابت من اللي معتشقها وخذته اصحيب=وخذ منصب(ن)عمر الردي ماترشحبه
مثل حميد ابوسطام شب وكساه الشيب=وهو ماسكن الطيب يضوي ويسرحبه
صميدع وشيخ(ن) يملك الطيب والترحيب=وليامنه ثقل الحمل شاله وروحبه
وعضيد السعد سلمان يرمي الوفاء ويصيب=كلام المجرب جد ماهو بيمزحبه
يوم(ن)الهقاوي في بيت الرخوم تخيب=سلاحه جميله يعشقه ويتسلحبه
هم اسلالت حنيان والذيب ينجب ذيب= شيوخ(ن) تخلق المجد وتقدر الصحبه
من اولاد مشعل عزوة تكرم الغريب=لياضاقت عليك ازبن على المشعلي وصحبه
تبي الهم كله ينجلي والمزاج يطيب= توجه لبيت(ن)كل مجد(ن) تفوح به
بنوه الشيوخ اللي يتحدون كل صعيب= ورى المجمعة بيت(ن) مكانه يوضح به
على أهل البيوت امتاز بالكبر والتقريب= على الخط بيت(ن) صنعة الشعر تصلح به
نوادر بني عبس اتلفوا كل مافالجيب= طبيعة رشيدي لاقبل الضيف يفرح به
وختامنها ليه طلب وبغي التوجيب= تزورونني بالبيت والعذر ماسمح به