نداء موجه لابو تركي العمده ناصر خنيفر
بسم الله الرحمن الرحيم السلام عليكم ورحمة الله وبركاته اخواني واخواتي اعضاء موقع الجميع والزوار الكرام من باب التسامح والسبق بالاعتذار لكل غالي هذه ابيات اهداء الى الشاعر الغالي العمده ابو تركي ابو تركي شاعروصاحب جهود في هذا الصرح ويستاهل منا الاحترام والتقدير وانا كنت حاسب حسابه وحاط له في نفس البرنامج وفقه مع الشاعر العمده ناصر خنيفر وتصلت عليه بالكويت قبل الحفل وبلغته وقال ارجو تعفيني من ذلك وجاني في نفس الحفل قبل بداية البرنامج وقالي لاتحط اسمي وصلني خبر ان ابو تركي حط في خاطره عدم تكريمه امام الحضور وتسليمه شهادة شكر وهو والله يستاهل وانا كنت مرتب ذلك وفي نفس برنامج الحفل وهو عنده خبر بالترتيب لاني كاتبه بالمنتدى الاداري ولكن للجنة التقديم اختصروا ثلاث فقرات من الحفل بدون علمي بذلك وهم لهم حق التصرف في مايرونه قالوا ان وقت البرنامج طال ومن الفقرات التي تم اختصارها تقليد الاصوات مع الشاعر المميز سالم سلمان وفقرة جوائز للجمهورعبره عن طرح سوال وجوابه من الجمهور وكانت الجوائز عباره عن جولات وهدايا قيمه وفقرة تكريم الادارين اللي منهم الشاعر القدير ناصر خنيفر وهو اول واحد ولكن لم يكرم منهم احد ولم يزعل منهم احد وابو تركي ان شاء الله ماهو زعلان بعد ولكن من معزة ابو تركي عندي كتبت هذه الابيات http://v5p.net/upfiles/TMj68656.jpg http://www.youtube.com/watch?v=aWmIVw5jZSE يا سعود سلم على العمده الياجيته=قله يخـل الزعـل مـن شـان جمهـوره لواستـطـيـع الـوصـالـه زرتــــه بـيـتــه=لكن حدانـي عنـه قانـون اخـو نـوره عــزالله انــي عـلـى مايـريـد حطـيـتـه=لكـن هـو الـلـي تـعـذر ولتـغـاء دوره عندي مكانـه عزيـز وعاليـن صيتـه=وابــا تـعــذر لـــون الـنـفـس مـعــذوره لاسقت عذري وبيت الشعـر سويتـه=مالوم نفسً على الماجـوب مامـوره |
رد: نداء موجه لابو تركي العمده ناصر خنيفر
وعليكم السلام ورحمة الله وبركاته
صح السانك وعلاشانك وبيض الله وجهك يابو يوسف على القصيده وانت ماقصرت انشاءلله ان العمده ماهو زعلان وقريب رح نشوف اسمه مع الاعضاء المتواجدين . احب اوضح نقطه لابو تركي ان مافيه اي اداري كرم خلال فقرات الحفل وانا واحد من الاداريين الذين استغربت الغاء فقرت تكريم الاداريين . اخيراُ/ ماقول الا الله يجمع شمل اعضاء موقع الجميع على كل مافيه خير. |
رد: نداء موجه لابو تركي العمده ناصر خنيفر
الشاعر القدير/ غازي البراك صح لسانك وتسلم يمناك ابيات بقمة الروعه الله يعطيك العافيه والعمده/ مهما كتبنا عنه لن ولن نوفيه حقه يستاهل كل خير الله يعطيه الصحه والعافيه دوم اما من ناحية الزعل ابو تركي اكبرمن ذلك وانتظروامفاجاة العمده لجمهوره |
رد: نداء موجه لابو تركي العمده ناصر خنيفر
غازي مناور ابويوسف انت صاحب التسامح معروف عنك وهذا اكبر دليل والشاعر ناصر خنيفر اذا كان زعلان وانت حاط له قصيده مع الشعراء المعزومين وهو اللي رفض المشاركه عزالله انه غلطان لكن اكيد انه فاهم خطا
وانت المفروض يابو يوسف تتصل عليه ترى اكيد متندم ويتحرى اتصالك لاتقول انا شاعر قبيله وصاحب موقع والحق عليه يتصل اذا كان زعلان لايابو يوسف اتصل على ابن عمك هذا كبير بالسن والكبير له حق على الصغير والله اني اعزك يا غازي ومن جمهورك |
رد: نداء موجه لابو تركي العمده ناصر خنيفر
يا سعود سلم على العمده الياجيته قله يخـل الزعـل مـن شـان جمهـوره هذا البيت يكفي يابويوسف الشاعر ناصرخينفر يستاهل الاشاده وتكريم المفروض ترحب فيه امام الجمهور وتطلب منه المشاركه امام الحضور حتى لو رفض نبي نسمع منه ترى والله شاعر بخيل على جمهوره ابو تركي شاعر مخضرم ومدرسه شعريه الله يطول عمره |
رد: نداء موجه لابو تركي العمده ناصر خنيفر
|
رد: نداء موجه لابو تركي العمده ناصر خنيفر
بنسبه لي ماقول الا زي ماقال خوي سعود العجوني
الشاعر القدير/ غازي البراك صح لسانك وتسلم يمناك ابيات بقمة الروعه الله يعطيك العافيه والعمده/ مهما كتبنا عنه لن ولن نوفيه حقه يستاهل كل خير الله يعطيه الصحه والعافيه دوم اما من ناحية الزعل ابو تركي اكبر ذلك وانتظروامفاجاة العمده لجمهوره |
رد: نداء موجه لابو تركي العمده ناصر خنيفر
التسامح من شيم العرب
|
رد: نداء موجه لابو تركي العمده ناصر خنيفر
صح لسانك يابويوسف والعمده ازعله يهمنا جميع لاكن على ماقال استاذي سعود
العمده اكبر من ذلك لكن انشاءالله ان الزعل مايجي من بيننا ولا رنرسله مرسول وقصايدنا معه ويستاهل لكن يبي يفاجئنا بمفاجئه تثبت رضاه ونه ماهو زعلان تقبلو مروري وبنتظار العمده |
رد: نداء موجه لابو تركي العمده ناصر خنيفر
رئيس المجلس الانتقالي وقائد الثوار اليبيين
سمعت انه رشيدي صحيح الخبر ولا يتغشمرون |
| الساعة الآن 05:49 AM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir