سري الصغير فالتعامل مع زوجي...* صلاتك اهم مني*
السلام عليكم ورحمة الله وبركاته اسمحولي ارجعكم شوي لثاني يوم من زواجي.... انا ما اعرف رجلي ولاعمري شفته ولاسمعت صوته... طبيعي اني اكون بقمة الحياء.... ليله الزواج ماقلت كلمة.... وثاني يوم كذلك اول كلمة سمعها مني.... http://www.m5zn.com/uploads/2011/1/2...115xqv6bv0.jpg (مالك صلاة فالبيت)... عرفت ان الرجال مايصلي لسبب.... طول اليوم مع الرجال فالمجلس وجاء فوق للغرفة عشان يصلي المغرب فما كان يحتاج لذكاء كبير عشان اعرف انه يمثل واصلا كان واضح.... ارتبك وقال عشانك... (طبعا عذر من الاحراج).... قلتلة الله يجزاك خير صلاتك اهم مني.... رد قال كنت احسب انهم غشوني وزوجوني طرما دامك تتكلمين الحمدلله.... شلون طلع الكلام مني والله مدري.... بس طبعا خيره الازواج في بداية الزواج يتعرفون علي بعض ومن البداية حبيته يعرف اهمية الصلاة عندي.... اوقات الصلاة ان صدف انه موجود الغرفة يروح المجلس يعنني رايح الصلاة وانا متاكده انه مهوب راكعها... اذا جاء ينزل اقولة ادعلي لاحد ينساني ويدعي لعمره ويهملني اقولها بجديه كاني مصدقه انه رايح يصلي.... (طبعا يعتقد اني مصدقة انه يصلي وتكون لي هيبه افضل من يقولها بوجهي ماني مصلي وشعندك والنيه اني باذن الله ماني مخليته بقعد وراه لين الله يهديه).... http://www.m5zn.com/uploads/2011/1/2...hwfzoocdqj.jpg مع مرور الشهور صار يتعذر... صلوا خلاص مايمديني وانا اقول علي الاقل صل فالبيت واضيف وانا اضحك صحيح مالك صلاة بس عالاقل تكون صليت الله يهديك ويصلحك بس.... احيان يصلي قدامي والاكثر يروح المجلس كنت اقول وشحكمت ان طافتك الصلاة تصلي فالمجلس مايرد علي وانا ما اجادل.... (اذا جاء مجال ووقت مناسب مهم جدا جدا يكون الوقت المناسب).... ابين الاشمئزاز من الانسان اللي مايصلي وشلون الوحده تقدر تقعد معه.... وابين ان اللي يصلي انسان نظيف مريح يشعرها بالامان.... http://www.m5zn.com/uploads/2011/1/2...vogtm6e742.jpg كلمة دايما اقولها ومازلت.... (انت راضي علي).... اقولة ابيك ترضي علي عشان ادخل الجنه.... (طبعا هالشي لسببين ارضاء لغروره باني اظهر اهمية رضاه الشي الثاني ربط جميع امور حياتنا فالدين).... يتبع.... |
رد: سري الصغير فالتعامل مع زوجي...* صلاتك اهم مني*
http://www.m5zn.com/uploads/2011/1/2...i2ufp0r6zn.jpg كان يشكي من ضيقة كل مغرب ....وامور ثانيه كان بعض اخوانه يشكون منها اصوات فالبيت وكوابيس .... قلتلة طبيعي ياخي هالشي بيتكم مهجور.... http://www.m5zn.com/uploads/2011/1/2...11015mijhn.jpg صحيح مافي البيت اغاني (امه واخوه الكبير مايرضون بالاغاني) بس ما اسمع صوت قرآن .... كلة مسلسلات وافلام http://www.m5zn.com/uploads/2011/1/2...te3os7ixmx.png صرت اشغل القران في غرفة المقعد دايما واخلي الصوت يطلع شوي بري الغرفة.... في غرفة النوم... حطيت مسجل واول ما اقوم من النوم اشغلة بصوت واطي جدا مريح...سالتة يزعجك هالشي قال لا مره بعد مره صار اذا قام قبلي شغلة... ياربيييييي سعاده ماتوصف) احيان اذا كانت حزة قومته وجيت اطلع من الغرفه وانا ماشغلته وهو راقد يقول شغليه... طبعا علي ما يقوم ويصحصح ويتروش ويلبس يكون سمع من هالاذاعة المباركه اذاعة القران كم شي مفيد.... لاتحسبون ان الامر جاء بسهوله كان فيه مد وجز وايام يقول سكريه ازعجني وايام انا ما اشغلة اذا كان موجود وحسيت مزاجة منعفس... بس كان اي وقت يدخل الغرفة بياخذ اي غرض يكون الراديو يشتغل.... http://www.m5zn.com/uploads/2011/1/2...10kacebuir.jpg بدي يتصيد اخطائي وتقصيري فامور ديني كنت اضحك... واقول صادق الله يهديني ويعيني علي طاعته ادعلي .... واحيان يقول مطاوعة واللحيه وشطولها ويسوي ويسوي قلت طيب وشالمشكلة.... قال هذولا المطاوعة.... قلت العيب فيهم مو فالدين.... استغرب اني مادافعت عنهم.... هالفئة هم سبب اللي اخوي الصغير فيه قال ليه.... لانه يوم كان فالابتدائي والمتوسط تعلق فيهم بشكل كبير وحطهم قدوه.... وتفاجأ انهم يدخنون وحاطين ستلايت ويظلمون واشياء كثيره هم بشر مثلنا لهم اغلاطهم وزلاتهم اللي كامل فالدين الرسل والانبياء فقط... هم اللي لازم نتخذهم قدوه.... وبعدين كل(ن) بيدخل القبر لحالة.... قلتلة تدري وين المشكلة عند اكثر البشر... قال وين .... رديت انهم ياما يكون ملتزم والا مضيع دينه... (ياحبيبي الدين شريعة حياة كاملة).. مو معناة ان عندي قصور بامور.... او ان واحد ملتحي عنده زلات خلاص انتهي امر الدين.... يتبع... |
رد: سري الصغير فالتعامل مع زوجي...* صلاتك اهم مني*
http://www.m5zn.com/uploads/2011/1/2...0dbogc2fqk.jpg
اذا مرض يستخدم ادويه بس لازم امسك مكان الالم واقول الدعاء...واقرأ عليه ايات وطبيعي انه يحس براحة.... كنت دايما حاطة الماء المقري عليه عند راسه عشان يشرب منه .... عسي ماشر تراني طيب مافيني شي.... قلت عساك دوم وانت بخير بس انت غالي علي موشرط فيك شي عشان تشرب هالماء... يكفي بركة القرآن ..... http://www.m5zn.com/uploads/2011/1/2...6qbh99anzn.jpg عندي صندوق صغير للصدقات كنت اتعمد اتصدق قدامه اذا جاء يطلع اقول عشان ربي يحفظك لي.... ومره ربي نجاه من حادث قوي دق علي وقال تصدقتي عني قلت اكيد قال ربي نجاني من حادث عرفت انك تصدقتي عني... قلتلة ياياتاج راسي فيه اشياء بسيطه تكفينا كوارث ولو قدر الله وصار الحادث اسم الله عليك مهوب فالك ان شاءالله فتاكد انه انه جاك بضرر اقل من لو انك ماتصدقت.... (ياحبايبي لا للخطب والزعل والمحاضرات الطويله هي بضع كلمات طول اليوم مختصره جدا في كل المواقف ربط اي موقف فالدين ايه او حديث صغير) تخلي عايلتك عايشه طول اليوم بقال الله وقال الرسول (عليه افضل واتم التسليم).... اليوم وانا فالسنه الحاديه عشر من زواجي اقدر اقول اني نجحت بتغير زوجي ولله الحمد والفضل والمنه... http://www.m5zn.com/uploads/2011/1/2...0oud42k1yx.jpg يصلي فالمسجد واذاعة القرآن فالسياره كثير من الاوقات يحط محاظرات المشايخ... ويسمع الفتاوي يعرف الاحكام يحب العمره يتصدق باستمرار.... يشجع بناتنا علي الدين وحفظ القرآن كل المواقف يربطها فالدين... هذي اهم الاشياء اللي سويتها حاولت اقولها باختصار وكما قلت سابقا... (انا اتكلم عن جانب من حياتي الشخصيه اسأل الله ان يكون نافع وان كان غير ذلك فارجو العذر والسموحه من الله ثم منكم) تم بحمد الله... موضوع راق لي فحبيت مشاركته معاكم |
رد: سري الصغير فالتعامل مع زوجي...* صلاتك اهم مني*
مشكووورة اختي ام سااارة وجزاااك الله خير وثبتك ,,,,,,,,
موضووع راق لي بعد الغياب الطويل لك ,,,,,,, فدمتي في اماان الله ,,,,,,,,,,, |
رد: سري الصغير فالتعامل مع زوجي...* صلاتك اهم مني*
حياكي الله اختي الغالية تولاي البراك
اسعدت كثيرا بردك الجميل ياقلبي نورتي متصفحي باطلالتك البهية تشرفت بمرورك غاليتي لاحرمت من إطلالتك المشرقة دمتي بود |
رد: سري الصغير فالتعامل مع زوجي...* صلاتك اهم مني*
ام سسساره يعطيكي العا ا ا افيه يوميات مميزه وموضوع حلوووو سسلمتي__
|
رد: سري الصغير فالتعامل مع زوجي...* صلاتك اهم مني*
الله يعافيكي ياغالية
اختي مرووقتها تسلمييي يالنشمية ع الرد الجميل نورتي الموضوع بتواجدك المميز لاعدمناااااااااك اختك ام سارة |
رد: سري الصغير فالتعامل مع زوجي...* صلاتك اهم مني*
جزاك الله خير
|
رد: سري الصغير فالتعامل مع زوجي...* صلاتك اهم مني*
جزانا الله واياك كل خير
شكرا لك اخي لمرورك الكريم |
| الساعة الآن 05:09 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir