يــالله يــاللي مـــا لملـــكة زوالا =وغيرة يموت ويفقد الملك ويزول
حــين تــفرد بالـبقاء والــكمــالا= والكبرياء والعز والملك ذا الطول
رب عـن الإدراك جــل وتــــعالا =ما يدرك بعين البصاير ولا عقول
علـم الإحــاطة في جلاله مـحالا =الكيف عن كيفية الرب مجهول
مـاله شــريك بعــزته والــجلالا= يقضي ولا للخلق قوة ولا حول
يقضي بحكـمة والقضا والآجالا= في لوح محفوظ عن الخلق مقفول
أســألك يـارب الخــلايق سـؤالا= يا خير من يعطي ويا خير مسؤول
ترحم فقـيدن ما مـعه رأس مالا= الا العمل عندك اذا كان مقبول
فــارق حـياته والأهــل والعـيالا= ما خلفه مملوك والبيت منزول
الخـلـق يفــنى والخـلايق تـتــالا= على طريق اهل الفنى حبل موصول
دار الفنـى فيها الفنى والــزوالا =لو اضحكت تبكي وتحزن على طول
لابــد من عـقب الـنزيل ارتـحالا= لو طاب لاهل الحب مشرب وماكول
أرثـا عتيـوي بالـبيوت الجزالا= ارثاه في زينات الابيات واقول
مـرحـوم يا شيخن قبول الرجالا= شيخن صدوق صادق الفعل والقول
مـاهو من الـلي بالعـبادة كـسالا =ولا هو من اللي في شقا المال مشغول
شـيـخن وقــورن ما يمـل القبالا= ومقابلة ومحادثه ماهو بمملول
مـاكـان عـشـنا للـحديث انتـحالا =في مجلسن ما يجلسه كل مخذول
يــارب تجــمعنا بــظل الــظــلالا =بظلال عرشك والرجاء فيك مامول