موقع الشاعرغازي البراك موقع الجميع - محاورة من الوزن الثقيل بين الشاعر ناصر خنيفر وزايد ابن عدله

السلام عليكم ورحمة الله وبركاته

هذه المحاوره بين الشاعرناصر خنيفر ( العمده) والشاعر زايد ابن عدله (صقر ابن عبس)

اليكم المحاوره

العمده

كل ما ذكر الحيا يم البلاد اللي يريد افوادي00 قلت جعله مايكف من الوطاء سيله ياحتى انشوفه
اشهد اني تالي الايام ماوضعي وفكري عادي00 والسبب ظرفٍ حصل والوقت مال وسيرته معروفه

زايد ابن عدله

كل ما ذكر الحيا قام الغلا في خافقي يزدادي00 قلت جعل المزنه ام الغيث تنزل في بلاد الكوفه
البعير شعيل ياناصر علامه واقفً متحادي00 وان نشدت الناس قالوا علته قشراء بداخل جوفه

العمده

انت علمك صح رديت الجواب اللي بغى النشادي00 يوم بعض الناس مره وانحرف والهم في سرجوفه
امن الان انت الوفي وانت الخوي اللي يصير اسنادي00 يوم بعض الناس عن رد اللحن قام يتزايد خوفه

زايد ابن عدله

الوعد ياناصر خنيفر اليا منك سمعت امنادي00 كل رجلٍ يحتزم ومعزب الخطار عند اضيوفه
والنعم فيكم وهذي اهي الشهاده من حدى الروادي00 والحروب الطاحنه نقدم عليها مايخوفنا العدو بسيوفه

العمده

الوعد مثل العهد مانخون والله للعباد الهادي00 وكل عنوانٍ يبيّن قبل تقراء الخط في مظروفه
انت تمدح يوم والا العام اشوفك تطبق العدادي00 مرحبا بالصاحب اللي كف عنا بالقتال اسيوفه

زايد ابن عدله

شايب الرحمن معنا خابرينه مايذوق الزادي00 مير يوم الحظ جابه عارفٍ وشلون وزن ابلوفه
الشجاعه ماتفيدك دمرت قبلك ثمود وعادي00 مير حذرا لاتكب السالفه للمجتمع مكشوفه

العمده

شايب الرحمن يالصقر العنيد يربي الاولادي00 كم غلامٍ مايعرف الدرس صكه في رحات اكفوفه
الشجاعه ماهي بدعه ماخذينه من جذور اجدادي00 وانت مابلغتني بان العلوم اللي تبى محفوفه

زايد ابن عدله

شايب الرحمن شاعر والمثل قال الظلوم البادي00 والصقور اللي تقض الريش دايم منتداك تحوفه
مير علّم عبس جاهم سيل يجرف كل ضلع ووادي00 مرسله ربي على العدوان سلطه ماتكف اقنوفه

العمده

وش يجيب الفارس الوافي يابومره للاعب نادي00 فرقهم واضح وذيب ٍ بالبلد يذكر وقف لاتحوفه
الصقور الها صقور اتحدها قدام تات ابلادي00 وكل ذيب يشم موقعنا وحنا فيه غير يعوفه

زايد ابن عدله
الكلام اللي تقولونه صحيح وتو ماناش الفتيل ازنادي00 مير انا فارس وابن براك لاعب فرقته معروفه
الصقور اللي تعشى كل ليله بالبلد ياعنتر الشدادي00 لو عليها شايب الرحمن يومي مايجيها خوفه

العمده

انت طعني مثل ما اطيعك تسفط موسك الردادي00 وابن براك ان وصلته بالسوالف لحيتك منتوفه
مانشوف صقور تاكل صقر وين ياهربادي00 والظلايم مهنة الظالم ومهنة شلةٍ ملقوفه

زايد ابن عدله
العبيد اللي تسولف تسكت اليا حضرت الاسيادي00 وانت ابن براك الاول لكن اعلومك عليها ابروفه
فرحت المقرود في يوم القراده فرحت الاعيادي00 وانت وسط المجتمع والناس حولك كلها ملفوفه

العمده

خربت الطبخه مع ابن عبس لكن نادو الجلادي00 اخو صلفه نعم من جلاد كانه خم به عاصوفه
اجلد اللي ياضع الثلج الخبيث بميّة البرادي 00 سمم الحضار بالحفله ومن يسري دعم له طوفه

وشكراً لكم