غازي البراك 11-27-2008 06:26 AM تنسيق محاورة غازي البراك والملأ   الملا سلام الله سلام ٍ كل ماهبـت هبـوب النـود تسوقه مثل ماتسوق الهبايب غر الامزانـي عساكم دائم ٍ في خير ياصحاب الكرم والجود ولو مالي مصالح من وراكم جيتكـم عانـي غازي البراك هلا يامرحبا ترحيـب غالـي مثـل طيـب العـود نسـوقـه للـرجـال الطيـبـه ذربـيــن اليـمـانـي يقول الطيب راع الطيب ممات الوفاء موجود يشرفني وفاء الأصحاب من قاصي ومن داني الملا بساتين العنب يبست ولاباقيبها عنقود تصافقها الرياح ومدهل ٍ للذيب سرحاني لو ابغى اشرّف الغالين درب اهل الوفاء مسدود أهل مهد الذهب ماواحد اشو الي من الثاني غازي البراك من دهور الزمان اللي تقافت والحضور شهود زمـان(ن) يزعـل الأول وبكـره يـزعـل الثـانـي تحصـل لـك طريـق يوصلـك يـم العـلا والـزود وأنــا لأصـــرت تبـعـانـي تـدورنــي وتلـقـانـي الملا اشوف اشعيل بارك بالحضيره والعوض مفرود ولادري وين احصّل حر مثل الحـر شقرانـي احصلي طريق ٍ يدخل الغابـه وأنـا مقـرود اجيب العيد في غازي وغازي مـاش تعبانـي غازي البراك ترانا يطويل العمـر مـن شـان الشعـار جنـود نـدور لــه طريـقـه ترفـعـه فــي كــل ميـدانـي ياليت الناس تعرف مقصدي وتحلل المقصود ابنشـر للـي رسالـه بيـن عدوانـي وصدقانـي الملا على طار الشعار اللي على رؤس الرجوم السود تذكرت البديـل وحـز فـي نفسـي مسيانـي انا وشلون اسوي فيك والحارس مع النمـرود وملكيـة سبـأ عطْيَـتْ نبـي الله سليمـانـي غازي البراك ترى من يظلم الاجواد يلقى يومه الموعـود وراع الحقد يجعل للخطاء صفحه وعنواني عسا ربي يعينك والبروق أكيد معها رعـود ولكن الحواجز ما ترد الذيب سرحاني رابط المحاوره في الموضوع المباشر http://www.gazialbrak.com/vb/showthread.php?t=299

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir