عـز الله انـك يامبـارك وليـده= وبالشعر جزل وبالمهمات رجـال
يابن الرجال اللي تشيـل المكيـده= اللي لهم بالعـز مدهـل ومنـزال
وللمرجلـه فيهـم مزايـا عديـده= ماتنحصى بالشعر فيهم والاقـوال
اهل النخـاوي والفعـول الاكيـده= وتاريخهم معروف شجعان وابطال
والنعم فيهم غير كافـي رصيـده= قليل في شهران وافيـن الافعـال
وقصايد مبارك دروس (ن)مافيـده= يضرب بها بالطيب والعز الامثـال
ومثايلـه بالعمـر بنت(ن)وحيـده= ماجا لبوها الا بنات(ن)ولا عيـال
من غلوها مايمنـع اللـي تريـده= وهي طلعت تسوى ثمانين رجـال
وصارت سناده بالليـل الشديـده= تاجر وتسوى عنده الروح والمال
تسوى العيال اهل العقـول البليـده= وتسوى رجال(ن)مابهم خير وانذال
وصارت له باخر حياته عضيـده= لون ونت والزرق الدمـع همـال
تسهر وتمسي من همومه زهيـده= وتضيق لا منه شكى ضيقت البال
رجل الوفا والديـن ربـي زيـده= بالعز والا يمان في كـل الاعمـال

في منتدى البراك جتني قصيدة=من الوافي اللي بالوفاء خلد اجيال
من خليف زيزوم القصيدة وعقيده=وحلالها ليامن عجز كل حلال
للطيب سيَد واصبح خليف سيده=قرمٍ وبيته للمناعير مدهال
شهد له التاريخ مجده وجيده=حرٍ ومنزاله على قمة جبال
الطيب اللي يكسب الطيب بيده=متورثٍ طيبه من العم الخال
ماله فخر طيبه جرى في وريده=من جده الاول تسلسل تسلسال
جده خزيم من سنين بعيده=له حربة يرهق بها كل خيال
لاينهزم صفه ولايكاد كيده= يحمى الحدود وينهى الخصم بالحال
ومامات ذكر اللي خليفٍ حفيده=مجد الجدود السابقه فيه مازال
وخليف راسلني ونا اقول ميده= ياصلك مني يابيض الوجه مرسال
واشكرك في صنع البيوت الفريدة=ونا مقصر ونت يالقرم وصال

الله الله

هنا صراحه يعجز التعبير ويجول الفرح
بالنفس بحصولها على وسام لم تحلم به الا هو الشعر
من اخي العزيز والكريم واستاذ الشعر الكبير مبارك الشهراني
الذي اعجبني قصيده بكل وقت وكل مكان واجبرني على التعبير
عن مايكنه له الضمير من معزه وتقدير على المدايح بامناسبات القبيله
وقصايده المفيده والتي تحكي لنا عن مايرغبه ويحب فعله مبارك
وانا والله اني فلاني حاسب لرد وعندي كل ماقاله بالقبيله وسام لكل فرد
من افراد القبيله ولكن اني حظظت بالقصيده بالرد الذي افتخر به
وفيت ومشكور لغازي البراك على جديد مبارك وعلى مادفع به الشعور
من جهد ولنا الفخر يابن براك بهذا الموقع الشامخ وجامع اهل الطيب والعلوم اللي ترفع الراس
لكم احترامي