موقع الشاعرغازي البراك موقع الجميع

- القصايد المنقوله (http://www.gazialbrak.com/vb/forumdisplay.php?f=109)

- - الشاعر ناصر خنيفر (http://www.gazialbrak.com/vb/showthread.php?t=8877)

الشاعر ناصر خنيفر

عديت مرقاب ٍ من اعلا المراقيـب

قلب المشقـا مـن عذابـه رقابـه

ودرت النظر شرق وشمال ٍ وتغريب

برض ٍ خلا ماحدٍ نزلـه ومشابـه

البوم يالعي به حلـول المغاييـب

ديـادم ٍ فيهـا تعـاوى الذيـابـه

خال ٍ خلاها توحش القلب وتشيـب

حتى الطيور اخلت مواكر هضابـه

من اول ٍ مدهال حـرش العراقيـب

واليـوم ماكـن المـوده وطابـه

عقب الضعون اللي تمره جناديـب

خال ٍ خلاه اليـوم يلمـع سرابـه

ولاشفت عينه للبيـوت المقاطيـب

بيت الشعر وقتـه خـذاه وغدابـه

اللي قواعدها الحبـال ومناسيـب

وعمدان ماصبـت عليهـا صبابـه

شغل البنات الشاطرات الرعابيـب

اللي زها راحت اكفوفـه خضابـه

ياما مضالي في زمانـه تعاجيـب

يوم الهوا ماقفلـت طرقـه وبابـه

وقتن تصافت به قلوب المحابيـب

لو طالـت المـده يزيـد الغلابـه

مع جادل ٍمحمي جنابه من العيـب

راع النميمـه بالقفـا ماحكـابـه

واليانشدني واحـدٍ عنـه ماجيـب

هذي القصيده الشاعر ناصر خنيفر
وهي من اجمل القصايد اللشاعر
حيث يتكلم الشاعر عن الماضي
وعن المكان وعن المعشوقه
اخي الشاعر ابو تركي الاتبخل علينا من جديدك
والكم الشكر والعرفان
اخوك العااااااااااااااااااقل

رد: الشاعر ناصر خنيفر

صح لسان شاعرنا وعمدتنا ناصر خنيفر

وبيض الله وجهك اخوي العاقل على طرح هذه القصيدة الجزلة لنا

وتقبل مرور الشمالي ...

رد: الشاعر ناصر خنيفر

صح لسان الشاعر والعمدة ناصر خنيفر

وبيض الله وجهك اخوي العاقل على طرح هذه القصيدة الجزلة لنا

وتقبل مروري المتواضع

رد: الشاعر ناصر خنيفر

مشكور يالعاقل
وصح السان ابوتركي

رد: الشاعر ناصر خنيفر

العاقل

مشكور على النقل

والشاعر ناصر خنيفر

له ابداااااعات ولكن مقل في النشر

تحيتييييييييييييييييييييييي