موقع الشاعرغازي البراك موقع الجميع

موقع الشاعرغازي البراك موقع الجميع (http://www.gazialbrak.com/vb/index.php)
-   محاورات الاعضاء بعد التنسيق (http://www.gazialbrak.com/vb/forumdisplay.php?f=41)
-   -   طاروق ناري بين خاتم سليمان وبطاح بن وساح (http://www.gazialbrak.com/vb/showthread.php?t=19119)

ذيب الغداري 04-13-2013 08:20 AM

طاروق ناري بين خاتم سليمان وبطاح بن وساح
 
اول طاروق بين الشاعر العملاق خاتم سليمان والشاعر العملاق بطاح بن وساح

خاتم سليمان

سلام يا بحر ٍ بوابيره ترسّي كل ليل=كنها ليا زامت على الأمواج تهبط من سماء

الله خلقنا ياأبو يوسف للهدير و للصهيل=إنسمّع إذن المنصمخ ونبصّر عيون العمى


بطاح بن وساح

يا مرحبا ترحيب طعمه مثل طعم السلبيل = يا خاتم سليمان ما يظميك قطاع الظما

يا حصان مدري يا بعير القوم حملك لا يميل == المعجزه للانبيا والانبيا عنك احشما


خاتم سليمان

دام البقاء ياللي تراحيبه مثل قرش البخيل=مايدري إن الأكرمين يقابلون الأكرما

أنته توصيني وانا ضلع ٍ عن الكنه ظليل=يالأعرج اللي ساق رجله مارقى بالسلّما


بطاح بن وساح

كلن عطيته قيمته مابه كثير ولا قليل = وانا ادري اني لو ازيدك قرش سديت الجما

يا ضلع ياللي عوجتك ما عاد تبقي لك حصيل = فيك اعرجه من حملك اللي كل ما ملت ارتما


خاتم سليمان

مايخس مقدار الرجال الطيبين الإ ذليل=وما رميتم اذ رميتم بالرمي والله رما

تقطع صلاة المسلم اللي قام وذراعك طويل=يغسل بعد القدر سبع وبالعظام تلجاما


بطاح بن وساح

تبرق وترعد يا سحاب الصيف لكن ما تسيل = حملك على متنك تمايل يوم مسراك احتما

يا خاتم سليمان بالوسطى لقينالك مقيل = اصبر وتستاسع من الضيقه بعد نزف الدما


خاتم سليمان

مقدار ابن وساح مايحذف من خلاف الشليل=ليا جحد سيل العرمرم كل مافاض وزما

وحنا لقينا لك عصاء تبطحك وتحط وتشيل=صلو الحجر يملاك وتحب الثرى بالبرطما


بطاح بن وساح


من صبة المروّد يا خاتم صار لك طرفن كحيل= ترمش عيونك والهدب مع طارف المروّد نما
يابو عصا كسرت عصاتك وابشر بخرطوم فيل = اليا تحملته يا خاتم صب عقب اللعب ما


خاتم سليمان


وش رايك ألقّح نخلك ان جيت وأكب الفسيل=وإلا أحفر البير القديمه حفر يالين تغمى

خذ خاتم سليمان يحرث مزرعتكم يالعميل=أحرث وأزرع وأرهي القربة على الزرع إن ظما

الواصل 04-14-2013 03:10 AM

رد: طاروق ناري بين خاتم سليمان وبطاح بن وساح
 
هههههه طاروق مولع من البدايه عمالقة شعار لله دركم

الله خلقنا ياأبو يوسف للهدير و للصهيل=إنسمّع إذن المنصمخ ونبصّر عيون العمى


يا حصان مدري يا بعير القوم حملك لا يميل == المعجزه للانبيا والانبيا عنك احشما

ههههههه اعجبني نقض البيت هذا للامانه

خاتم سليمان وبطاح بن وساح ننتظركم من جديد في طواريق اخرى


شكرا يالذيب على التنسيق


الساعة الآن 11:15 PM.

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir

Ads Management Version 3.0.1 by Saeed Al-Atwi