لقاء السحاب صقر مطير وسعود العرعري
محاوره رائعه جرت بين الشاعر صقر مطير والشاعر سعود العرعري نسقتها لكم وعسى ان تحوز على رضائكم صقر مطير ياسلام الله عدد ماهب ذعذاع الهبايب= للرجال اللي تحوز الطايله يوم الحميه جيت من ديرة مطير اهل الوفا احث الركايب = واتحدا من تعرضلي ولو لوم عليه سعود العرعري مرحبابك يالمسلم عد همال السحايب = يا عيال مطير ياللي فعلكم فوق العبيه مايجيك الخوف وخذلك فنجال رايب = والليالي تكشف اللي من هوايلها خفيه صقر مطير البقابك ياسعود ومانبي الدعوه طلايب = ويش سبة هجرة الاجواد من نجد العذيه الوفا طبع الرجال اللي يسدون النوايب = مير ضاعوا مع زمان العولمه والعنصريه سعود العرعري لاتشكك ياعميلي وقتنا والجو طايب = ونت لك جره مع الاجواد في هذي وذيه كان جاهل نلزمك تنشد من المطران شايب = والهوى شدد من عصورن مضة هضبه طميه صقر مطير ياسعود اسمك غريب وضنتي منته بخايب = عقب سكرت الجهات الاربعه قدم السريه ماجهلت وخابر اللي يتعب ضهور النجايب = مير دامك فاقد الثنتين لاتسوي قضيه سعود العرعري لاتخلينا ننبش من تحت قبر النصايب = سوقها سوق الجمال الصهب في دارن خليه العجب منه التعجب ياعجب مدري عجايب = وانت راعي سالفه منها تقدملك هديه صقر مطير لاتسبب مشكله يالعرعري وانت السبايب = كان به سوق ابسوقك مثل ماسوق المطيه مانلومك لو برد حيلك بعد شفت المصايب = ياسعود انته تمثل قوم لاتشح العطيه سعود العرعري ياحمام الورق بالله من ديارك ويش جايب = لاتلوى ذمتي منك بعد هذي بريه انت مخطي بالطريق المعتبر منته بصايب = مالقينا معك سيف ولالقينا بندقيه صقر مطير قلت ياعبس ابشروا باللي يطفي للهايب = ليت ماكمل معايه واعتذر قبل الخطيه ماعزاي الامساعد كيف يطلع من خرايب = مير مثلك ياسعود اربطه وانا بيديه سعود العرعري يالمطيري لاتتطفل وسترح منته بنايب = لاتجي من بين نيبان الحنش وشدوق حيه انت غازي بس ترجع بعدها عايف وتايب = ادخل اسلوب العرب باسلوب ولامقدريه |
رد: لقاء السحاب صقر مطير وسعود العرعري
انا عندي عدة امور احب ان اذكرها بحكم انا بموقع الجميع ولنا الحريه المطلقه في ابداء ارائنا وكل يدلي بدلوه في البدايه المحاوره كانت رائعه ويعلم الله اني لااجامل محاوره قويه من الطرفين اعجبتني بعض الامور وحيرتني بعض الامور اتمنى ان اجد لها حل من اخواني المتابعين وليس شعار المحاوره هذي اللي هم صقر مطير وسعود العرعري لانهم لايحق لهم الادلاء برائهم بل للجمهور الحق في التحليل وتبادل وجهات النظر على العموم اعجبتني بداية صقر بالمعنى وصقر عودنا في اغلب محاورته خاصة اذا بدا ان لايلعب بدون ان لايضع له منهج فبفتل اكثر ابياته يقول البقابك ياسعود ومانبي الدعوه طلايب = ويش سبة هجرة الاجواد من نجد العذيه سوال له مغزى يساله صقر لزميله ويتمنى منه الاجابه وفيه من التحايل الشي الكثير من وجهة نظري قمة الابداع وليس مستغرب على صقر اسمعوا وش قال سعود العرعري ووالله اني صادق لوكانت هالمحاوره في ملعبه وسعود رد بيته اللي يقول لاتشكك ياعميلي وقتنا والجو طايب = وانت لك جره مع الاجواد في هذي وذيه اني لاقوم واحب خشمه ماهي عنصريه ولكن اعجاب بقوة النقض فالنقض درجات فيه هروب من المعنى فيه تفادي وفيه قوي سعود بيته ماهو قوي انما شال البيت من جذوره ولعلي اذكر بيت فتل لحبيب ونقض من تركي 2000 بحكم ان المحاوره طرفها صقر المطيري وفيه وضوح لاخوانا اللي يجهلون الابيات الصعبه هذا بيت سهل لكن شوفوا قوة النقض يقول حبيب لوتوفى حبيب منهو المستفيد = يارجال زعلها يحرق اعصابها قال تركي يستفيد العصيمي لوتكون الفقيد = يالله تصبر الاقراب فاقرابها فتل قوي ونقض اقوى مع اني ارى ان بيت سعود اقوى في النقض من بيت تركي 2000 ايضا المحاوره كان فيها اخذ وعطا وعرف عن الشاعرين التمريرات الذكيه والحذر وقوة الهجوم لكن المحاوره استشف منها ان الشاعرين والعلم عند الله حاسبين حساب لبعض فوق المعقول وحذر مبالغ فيه افقدنا كثير من ابداعاتهم اللي عرفناها عنهم ولااعلم لماذا وهذا والله مجرد احساس رغم قوة المحاره لكن ينتابك شعور ان الشاعرين ماالقوا كل ماعندهم في النهايه بيت اخير لسعود يقول انت غازي بس ترجع بعدها عايف وتايب = ادخل اقلوب العرب باسلوب ولامقدريه ههههه بيت رائع في الختاميه وانا اقول ياسعود ترى صقر ماهو غازي صقر ضيف علينا ولايمكن ان يغزينا ؟؟؟؟؟؟؟ والسلام خير ختام |
رد: لقاء السحاب صقر مطير وسعود العرعري
الله الله صح لسان الشاعرين ومشكور ياذيبان على التنسيق
|
رد: لقاء السحاب صقر مطير وسعود العرعري
حياك الله ياذيب الفيافى واشكرك على التفاعل وتنسيق المحاوره وتحليل ونقد بعض الامور وهاذا جهد فريد من نوعه لاهنت وسلمت يمينك
عزيزى 00تقول بان صقر مطير ضيف على المنتدى وليس غازى ؟كيف تفسر بيته فى بدابة الطاروق جيت من ديرة امطير اهل الوفا احث الركايب=وتحدى من تعرضلى ولو لوم عليه |
رد: لقاء السحاب صقر مطير وسعود العرعري
صح لسان اشاعرين صقر مطير وسعود العرعري
واقول بيض الله وجهكم بسراحه محاوره جزله وشكر موصول الى الاخ ذيب الفيافي على اتنسيق الرائع والمحاوره تستاهل التنسيق وتقبل خالص تحياتي وتقديري/ اخوك رامي العجوني |
رد: لقاء السحاب صقر مطير وسعود العرعري
اقتباس:
المشاركة الأصلية كتبت بواسطة سعود العرعري http://www.gazialbrak.com/vb/gk/buttons/viewpost.gif حياك الله ياذيب الفيافى واشكرك على التفاعل وتنسيق المحاوره وتحليل ونقد بعض الامور وهاذا جهد فريد من نوعه لاهنت وسلمت يمينك عزيزى 00تقول بان صقر مطير ضيف على المنتدى وليس غازى ؟كيف تفسر بيته فى بدابة الطاروق جيت من ديرة امطير اهل الوفا احث الركايب=وتحدى من تعرضلى ولو لوم عليه اخوي سعود وجهة نظرك صحيحه مليون بالميه انا ذكرت اشكاليتي باخر شي لاني ماحبيت اردفها مع التحليل لسببين 1_ السبب الاول ابشوف ردك لاني كان لي نظره بعيده بالبيت انك ترمز الى شي بعيد جدا واتضحت لي الصوره من ردك 2_ السبب الثاني صقر ضيف عندنا بالنسبه للموقع وليس لمحاورتك انت وياه والسبب الاول هوالذي جعلني اطرح وجهة نظري لامر في نفسي وصل حله من ردك اتمنى ان تكون وصلت الفكره واذا فيه اي اشكال انا موجود اخوك ذيب الفيافي |
رد: لقاء السحاب صقر مطير وسعود العرعري
الله الله صح لسان الشاعرين ومشكور ياذيبان على التنسيق |
رد: لقاء السحاب صقر مطير وسعود العرعري
صح لسان اشاعرين صقر مطير وسعود العرعري
واقول بيض الله وجهكم بسراحه محاوره جزله وشكر موصول الى الاخ ذيب الفيافي على اتنسيق الرائع والمحاوره تستاهل التنسيق وتقبل خالص تحياتي وتقديري/ اخوك احمد المهيمزي |
رد: لقاء السحاب صقر مطير وسعود العرعري
احمد المهيمزى--والشكرموصول لك على المرور الكريم
|
رد: لقاء السحاب صقر مطير وسعود العرعري
صح لسان الشاعرين صقر مطير وسعود العرعري
واقول بيض الله وجهكم بصراحه محاوره جزله واشكر الاخ ذيب الفيافي على اتنسيق الرائع والمحاوره تستاهل التنسيق وتقبلو خالص تحياتي وتقديري |
| الساعة الآن 01:26 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir