تنسيق محاوره بين الشاعرين زايد عدله وعبيد هني
بسم الله الرحمن الرحيم السلام عليكم ورحمة الله وبركاته اتمنى ان تكون المحاوره ممتعه للجميع كانت البدايه عند الشاعر عبيد هني..ز ياسلام الله سلام في حفل يوسف وخالد....اهل المعروف واهل العز ورجال المهارة لك ثلاث سنين يازايد مع الغيبه محايد....قوم ابدوس لك لين تطير من شكمانك شراره رد زايد عاتي.. مرحبا واللي بيقابلك بالميدان زايد.... وانت مدري في يمين الدرب ولا في يساره والله ان الامن وسط المنطقه لازال سايد.... وانت للحين مامعك رخصة واستمارة رد الشاعر عبيد... انت يازايد من اهل العرف ورجال(ن) ولايد....سرها والذيب الاشهب يابن عدله فالقرارة انت شاعر يابن عدله كل ماهديت صايد....لاكن حقوق العرب ياصاحبي ماهي تجاره رد الشاعر زايد.... مانقول قصور فيكم يامهذبت الفرايد....مير هذي فرصة لابد تعني بأستشاره ويش اسوي بالمسيح اللي على ارقابه قلايد....دمرونا ياعبيد بين هروين وزقاره رد الشاعر عبيد... لاتضايق يابن عدله من كلام بلا وكايد....ليش امير القوم كب القوم في بند الأماره ماعليكم زود فالوقفات في يوم الشدايد....ضاعت حقوق العرب والكل ضايع في مساره رد الشاعر زايد.... فيه تصريح انتشر بين الأذاعه والجرايد....وانت داري بالخبر من قبل لانشوف انتشاره لاتحسبني مثل حسني عن السلطة تحايد....يانعيش بعز ولا نموت مانزيح الستاره رد الشاعر عبيد.... تدري ان المهزله ياصاحبي ماهي فوايد....عقب طاح الرأس الأشهب ماتهنى في شعاره رحلوه الشعب ياصاحبي والشعب واحد....في دقيقه يابن عدله انقلب حلوة مرارة اتمنى ان تنال اعجاب الجميع وعطوني رأيكم فيها :d |
رد: تنسيق محاوره بين الشاعرين زايد عدله وعبيد هني
اشكرك على النقل ياالخطير وحياك الله في موقع الجميع
وانت تطلب الراي بالمحاوره المحاوره جيده لكن فيها بعض الملاحضات يمكن تكون من النقل مثل ياسلام الله سلام في حفل يوسف وخالد.... كانت وقفت البيت على خالد البيت الثاني تغيرت القافيه يمكن كان قصدين الشعراء تغير القافيه وفي البيت الاخير قال الشاعر رحلوه الشعب ياصاحبي والشعب واحد.... غير القافيه من جديد وهنا يقول الشاعر ويش اسوي بالمسيح اللي على ارقابه قلايد.... اعتقد ان الشاعر يقصد اللي على رقبته قلايد المهم صح السان الشعراء واشكرك على النقل |
رد: تنسيق محاوره بين الشاعرين زايد عدله وعبيد هني
مشكور على الرد الاخطاء من النقل
|
رد: تنسيق محاوره بين الشاعرين زايد عدله وعبيد هني
محاوره رائعه بين زايد وعبيد صح السان الشاعرين
الف شكر على النقل يالخطير تقبلو مروري ودمتم بخير |
| الساعة الآن 07:16 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir