موقع الشاعرغازي البراك موقع الجميع - الموت هين ( البلا ) وش ورا الموت

مدخل :

اللهم إني أسئلك الجنه ..

×

..؟ : انت محمد

محمد : هلاااا

..؟ : اليوم بجيك ضيف ..

محمد : منهوو؟

..؟ : وآحد ..

محمد : من غير موعد مسبق ؟ معليش مشغول اليوم

..؟ : لاتخاف ضيف مراح يثقل عليك ..

محمد : كويس خله يجي عالساعه 5 لاني 5 ونص طالع ..

..؟ : مشكلته انه اذا جاك ........

محمد : ايه ؟ اذا جاني ؟

..؟ : مراح يخليك تطلع مشوارك ..

محمد : اجل اجلس عنده وانا بطلع ..

..؟ : لا ياحبيبي منت فاهمني

محمد : فهمني

..؟ : انت اللي بتروح معه

محمد : ياسلام .. على وين ان شاءالله

..؟ : على قبـرك !

×
×

كلنا بيزورنا هالضيف بيوم من الايام

واعلموا ان ملك الموت قد تخطانا إلى غيرنا ،

وسيتخطى غيرنا إلينا !

ياجماعه .. اسألكم بالله
احد فيكم عنده استعداد يموت الحين ؟

يعني أحد فيكم يتمنى يجيه ملك الموت ويقبض روحه الان ؟

لنفترض انك بتموت بعد 10 دقائق من الان
وملك الموت في طريقه إليك ..

وش الاشياء اللي تبي تمحيها من حياتك ،

وش بتسوي خلال هالمده ؟

بتتمنى ترجع وتقلع عن شيء معين كنت تسويه ؟

بتتمنى ترجع وتسوي شيء لطالما كنت مطنشه وساحب عليه ؟

وش الحال اللي ودك ملك الموت يقبض روحك عليها ؟

ساجد ؟ تتوضأ ؟ تغازل ؟ تسمع اغاني ؟ تدق عود ؟ تروّس ؟

تدخن ؟ تتفرج على فلم ؟ تكلم عشيقتك ؟

لاتقول لا انا ماني ميت بسووء خاتمه الله يهدينا !

انت ماتضمن عمرك ،

واذا كنت حريص على ان محد يكشفك اثناء معصيتك

يمكن بكره ربي يفضحك بعد موتك ؟

طبعاً هذا في حال ماتبت واقلعت

اما بسوء خاتمه ، واما بعرض اعمالك امام الخلائق !

مين له وجه ينسأل عن اعماله السيئه امام الله والناس ؟

هل هذا امر يدعو للافتخار ؟

ولا يدعو للخزي والعار ؟

فلان كان يسوي كذا وكذا

هالكلام يحصل امام الله وامام الناس اجمعين

واللي منهم اهلك وربعك ومديرك وزملائك واصدقائك واعدائك

ونسايبك و خوالك واعمامك وجيرانك

وقبل هذا امام الرسول صلى الله عليه وسلم

والانبياء والخلفاء والتابعين ..

تتصور الموقف هين ؟

طيب دام هالموقف مايرضينا ولايعجبنا

ليه ننخرط في المعاصي الان وكأن الله غير موجود ولايرانا !

بل وكأن الموت والحساب بعييد !

وكأن مافيه ملائكه يميننا وشمالنا تكتب أفعالنا وأقوالنا !

هذا مو معناته ان الله مايرانا ..

ولكن لتكون حجة اما لنا او علينا يوم القيامه !

كل بقاع الارض اللي وطأت عليها قدماك ،

ستشهد اما لك او عليك ..
بقعه تقول :

فلان صلى عندي وذكر الله .. فلان تصدق .. فلان أمر بمعروف ..

وبقعه اخرى تقول :

فلان مر بي ولعن فلان .. فلان زنا .. فلان قذف فلان ..

مشكلتنا ياجماعه اننا ننسى ان حنا في دار اختبار
يعني مو صف اختبار ، ولاقاعه اختبار

هذي الاماكن مدة الاختبار فيها لاتتجاوز الـ 3 ساعات بالكثير ..

لا .. الموضوع اكبر من كذا
حنا في دار اختبار

ومدة الاختبار تساوي مقدار الزمن اللي بتعيشه في هالحياه

يعني انت منذ ان تصبح مُكلفاً الى ان تقبض روحك

هذه الفتره انت محاسب عليها بكل ثوانيها ..

اختبارك = حياتك
فهلا استغللنا فرصه حياتنا قبل ان يسبقنا الينا الموت ؟!

كان ودي احط مقاطع عن التفحيط بس مادري مو راضي تطلع معاي؟؟؟
المهم
اقولكم
تكفون ياناس انتبهوا لارواحكم لاتموتون الا وانتم مسلمون
وأوجه كلامي بالاخص لهواة التفحيط
ياجماعه التفحيط يعتبر انتحار تدرون وش معناة الانتحار ؟
يعني تموت وانت كافر خالد مخلد في نار جهنم
الله عطاك روح امانه ، تأدي ما أمر وتجتنب المنهي ..

فبأي حق تهلك ماليس لك ؟
مو حرام تخسر دنياك وآخرتك وتخلد بجهنم

عشان تفحيط ؟
لفتين بالدركسون وكم دعسه الا وانت ميت!

اشتروا انفسكم ،

انقذوا انفسكم من النار ..

واخيرا

سبحان الله ،
والحمدلله ،
ولا اله الا الله ،
والله اكبر ،
ولاحول ولاقوة الا بالله

أحب اختم موضوعي بهذا الرابط http://www.anahawaa.com/vb/images/smilies/smile.gif
اضغط على هذا الرابط صدقني مراح تندم وستؤجر بإذن الله
http://pylon-group.com/e-seb7a/

اتمنى التثبيت