يامحمد بن عبيد دامت لياليك=يامفرح(ن) هذا ويامكرهن ذاك
طيب ولا فالطيب شكه وتشكيك=يالطيب اللي طبت من طيب مجناك
رجال ربو رجال ماهي صعاليك=والعود يومنك تمرجلت وصاك
ماهو مغفل يوم عودك يوصيك=يبغى الرجوله تنحسب لك بدنياك
وألي أحترامي واحترم حاجة(ن) فيك=ولاهنت والله لايهينك بدنياك
وأغيب مده واتصل فيك واجيك=وادرى على شعري من النقد ودراك
ون رحت عنك بعيد ماني حواليك=مخباك مخبايه ومخباي مخباك
أخذ معك واعطيك واخذ ولاأعطيك=وتاخذ وتعطيني ولااجحد عطاياك
ون قلت وش هذي ونا قلت وش ذيك=لاتقول وش جاني ولااقول وش جاك
طنت بذانيها وطنت بذانيك=وحنت مطاياها وحنت مطاياك
ون قلتها مزحه فنا واثق(ن)فيك=ون قلتها صادق ترى الطيب يزهاك
وهذي تحية من رفيق(ن)يحييك =يامخضب(ن) يمناك من فعل يمناك

صح لسان الشاعر القدير عوض خيران العازمي الرشيدي
شاعر غني عن التعريف يعرفه الجميع يتميز شعره بالحكمه
والجزاله وقليل من لايحفظ للشاعر عوض خيران قصيده اوقصيدتين
واشكر شاعرنا المبدع على هذه القصيده الطيبه بالشيخ / محمد بن عبيد العجوني
وهو رجل يستاهل كل مايقال فيه من المدح وقيل فيه من قصائد المدح الكثير
من شعراء كثيرين من ابناء القبيله ومن جميع القبائل الاخرى
ومره ثانيه اشكر الشاعر المبدع عوض خيران العازمي على هذه القصيده الرائعه
وتوقف عند هذاء البيتين من القصيده لخروج شاعرنا فيهن عن موضوع القصيده
ارجومن الشاعر عوض خيران ان يوضح معنى قوله

طنـت بذانيهـا وطنـت بذانـيـك = وحنت مطاياها وحنت مطاياك
وان قلتها مزحه فنا واثق ٍ فيك= وان قلتها صادق ترى الطيب يزهاك

ويش اللي طنـت بذانيهـا وطنـت بذانـيـك
وحنت مطاياها وحنت مطاياك
هذاء طلبي منك يابوسامي التوضيح فقط

وشكر خاص للمراقب الرائع ابوعبيد على النقل
وتقبلو مروري وتعليقي