وقف دقايق
 

وقف دقايق قبل تقفيبك ضعونك.
على طريق المفارق والمقفيني.
ابنصحك قبل لاتلعبك ضنونك.
وتسمع علوم المهبل والمجانيني.
وتحط ممشاك مع من لايعزونك.
ناسن مقاصيدهافرقاالمحبيني.
يبغون عن عشرتي بالكذب يغرونك.
ويموت حبن مقره بالشراييني.
يطرزون الكلام إن غاب مضنونك.
وانت تحسبهم بماقالوانصيحيني.*
أهل النمايم بحلو لسان يعطونك.
وقلوبهم ماتنظفها الصوابيني.
أعزساعه لياقاموايصدونك.
وشافوك عني تصدولاتحاكيني.
هذيك قمة فرحهم ثم يجفونك.
واللعنهم اللي على بعدك يعزيني.
منهم تحرص وحاول لايخدعونك.*
لايقتلون الغلااللي بينك وبيني.
تكفاتمهل وسق رجلك على هونك.
راجع ضميرك ومنهم إنتبه زيني.
تخطيطهم لايمشونه على عيونك.*
خيب رجاهم إن كان إنك بترضيني.
ابعدهقاويك عنهم لايخشونك.
بقلوبهم شب نارالهجروالبيني.
وإن كان صدقت ماقالوا بمفتونك.
ورغبت بمرافق اللي عنك منحيني.
مع السلامه عسى عقبي يسلونك.
الله يسهل طريقن معه ماشيني.
هذاأحتيارك وذانهجك وقانونك.
واناعطيتك نصيحه قبل تمشيني.
بس إنتبه عقب تقفي ترجع ضعونك.
لاتقول ابرجع ترى ماعاديمديني.
ويابوفلاح إيش رايك جعل يفدونك.
اهل المنافق وقوم الجيم والسيني.
شرواك يفهم صديقه من يعادونك.
واظن لك بالهوى ناس ومحبيني.
ماشيتهم بالغرام وهم يماشونك.
واكيدذقت الفراق من المزاييني.


الموضوع الأصلي:*من قصيدي قبل المفارق*| |*الكاتب:عبدالرحمن هليل*| |*المصدر:*شبكة بني عبس



توقيع :*عبدالرحمن هليل



* **