مساعد / الوجه الكريه المستريب
ياذيب ياللي بالحنايا لك قنيب=أتلفتني بعواك يامال التلف دور لجوعك رجم ولهمي شعيب=ودور لعيني نوم لوكانه سلف من بارحة لأولى وأنا أودي وأجيب=طواري منها شعر راسي وقف تزاحم الضيقات بالصدر الرحيب=نفتح ملف الهم ونقفل ملف يالله بجاهك من تريدية النصيب=وبحماك يالله من مقاشير الصدف نشيب ورموش الليالي ماتشيب=ونعف وصدوف الليالي ماتعف وكم خاب ظني وكنت أظنه مايخيب=وكم باروا الأصحاب فينا للأسف وكم صالفت بقعا عساها للذهيب=وفي عز شدتها قلبناها ترف نقدم على رقي المنابر مانهيب=إن جات وإلا ماعلى الدنيا حسف نحيا حياة أحرار راضين النصيب=ونمووووت ماتاطى لنا الدنيا طرف ونقصر خطاوينا عن الدرب المعيب=وبالماقف اللي يبهج الخاطر نقف ونطيب لو عيت ليالينا تطيب=فضل من اللي جمٌل الحال ولطف غصب على الوجه الكريه المستريب=وغصب عن الرديان من شق وطرف مساعد الرشيدي |
رد: مساعد / الوجه الكريه المستريب
ونقصر خطاوينا عن الدرب المعيب=وبالماقف اللي يبهج الخاطر نقـف
صح لسنان مساعد الرشيدي ومشكور اخوي المر العذب على حسن الاختيار بارك الله فيك تقبل مروري |
رد: مساعد / الوجه الكريه المستريب
وكم خاب ظني وكنت أظنه مايخيب وكم باروا الأصحاب فينـا للأسـف وكم صالفت بقعا عساهـا للذهيـب وفي عـز شدتهـا قلبناهـا تـرف صح لسان الزعيم وبيض الله وجهك يالمرالعذب على مانقلته لنا من روائع مساعد::: |
رد: مساعد / الوجه الكريه المستريب
صح لسنان مساعد الرشيدي
ومشكور المر العذب علي النقل الجميل |
رد: مساعد / الوجه الكريه المستريب
كلمات صادقة المشاعر..
تحمل زخماً كبيراً من الاحساس.. صح لسان شاعرها الى مالايعلمون وسلمت أناملك التي نقلت لنا هذه الباذخه .. من ذائقتك المعتاده .. كن بخير وأكثر دلوعته : |
رد: مساعد / الوجه الكريه المستريب
اقتباس:
ومرووووووورك يشرفني ... |
رد: مساعد / الوجه الكريه المستريب
اقتباس:
ووجهك أبيض . ةلاهنت على المروووووووووور |
رد: مساعد / الوجه الكريه المستريب
وكم خاب ظني وكنت أظنه مايخيب وكم باروا الأصحاب فينـا للأسـف لن تبور قصيده شاعرها مساعد الرشيدي . |
رد: مساعد / الوجه الكريه المستريب
ونطـيـب لــو عـيــت ليالـيـنـا تـطـيـب..... فضـل مـن اللـي جمٌـل الحـال ولطـف
بيض الله وجهك ياخوي المر العذب على الاختيار الطيب وصح السان الشاعر مساعد الخياري |
رد: مساعد / الوجه الكريه المستريب
يالله بجاهك من تريديـة النصيـب
وبحماك يالله من مقاشير الصـدف نشيب ورموش الليالـي ماتشيـب ونعف وصـدوف الليالـي ماتعـف لله درك ع نقلك وعلى ذاائقتك االشعريه االرااائعه داائماا وبصرااحه قصيده مميزه بس هناااك كلمه لم ااستصغهااا مدري هو خطااء ااملائي ااو هي كذاا ياالله بجااهك من تريدية االنصيب هل تريدية صح او لا ولك ااحترااامي |
| الساعة الآن 10:56 PM. |
Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir