قصيدة الشاعر / عبدالمجيد علي فلاح العويمري و رد شاعر المحاورة / نواف ثاري العويمري
 

اهتز حايـــــل ثم شفنـــــــا القرارات
قالو ثلاثه والعواقــــــب ســــــليمه
ومن بعدها جتني من القلب إشارات
يقول بي هزه تراها عظــــــــــــيمه
ياقلب قلي وش حصل بك سلامات؟
تكفى عساها ماتجيك الظلــــــيمه
بشر عسى ماحصل فيه انهـــيارات
عسى القصر باقي بحالت نعيــمه
ثم قال لو فيني لرختر جــــــهازات
والله لتبطي ماتقيس الجريــــمه
... ... جاك الدمار ولا تفيد المهــــــارات
وقصر الأماني صايرن تقل خــيمه
واصدر قرارن ينزل الدمع بسكـــات
ويبين الخافي لناسن شتيمـــــه
قلت النصيحه منك هات المشورات
نصيحتن تشفي الجروح السقيمه
قال النصيحه خل عندك طموحات
واصبر لون الصبر يبغى عزيمــــه
عمرك قضى مادام هذي العلامات
مير اتكل بالله وربك يديـــــــــمه
الشاعر / عبدالمجيد علي العويمري

ورد شاعر المحاورة / نواف ثاري العويمري

قريت فبيوتك حكم وعتبـــــــــــــارات ياشاعرن سيلة يغــــطية ديمة
يقوله اللي معتبر من سنـــــــــــــوات شاعر خبير وخـــبرتلة قديمة
شاعر محنك ينقض الفتل فأ بيـــــات تلقئ شدادة فوق ظـــــــهر الهميمة
حنا سمعنا بين لحظة ولحظــــــــات مثل الرعد لصار مقــــفن رزيمة
مافية لافزعة ولافية نخـــــــــــوات عمر اللــذي مافية شين يضــيمة
حنا وحائل تحت رب السمـــــوات أما نعيـــــــــش بخير وألا جحــــيمة
صوم رمضان وصل كل الصلوات وحذر مـــــــــن الدنيا تراها وخيـــمة
وحج بيت الله وأعط الزكــــــاوات عساك تبقئ خالدن في نــــــعيمة
والعلم لة منهج وراية ونفحـــــات والله فرق بين البشـــــــر والبهيمة
وأزكئ سلامي ياصلك والتـــحيات ياشـــــــاعرن ســـــــيلة يغطية ديمة</B></I>

رد: قصيدة الشاعر / عبدالمجيد علي فلاح العويمري و رد شاعر المحاورة / نواف ثاري العويم
 

صح لسااااااان الشاعرين
وهذة القصيدة كتبها الشاعر / عبدالمجيد علي عندما حدث اهتزاز بحائل وهي تعتبر أول قصيدة لة