ياعريب الساس لك حق ممنون وتمون=يابو يوسف لك مع الناس قدر(ن) واحترام
حي راس(ن) مثل راسك يشيلنه متون=انت فعلك فعل وافي مايلحقك الكلام
وصاحب الفكرة بنى صرح عالي مايهون=من رجال(ن) للعوالي يشدون الحزام
غازي البراك له موقع(ن) كله شجون=يحتفل بالفخر والعز عام(ن) بعد عام
وعادت المقدام ماتغيره بعض الظنون=لا مسك بالقوس وسط الهدف حط السهام
ويوم ربعك يقطعون المسافات ويجون=قصدهم تشريف حفلك عزيزين المقام
وغيرهم من كل صوب ومكان يشاركون=عادة اصحاب الوفا لاهل الطيب إلتزام
وكل شاعر لك يغني بزينات اللحون=من حماس(ن) وسط راسه يخاف من الملام
ياحفيد اللي بالافعال قوم(ن) يعرفون=القصايد ماتكفي على صدرك وسام
وانت تستاهل وراع الردى يبقى مغبون=وكل رجلن مثل شرواك له منا سلام

صح السانك يابو علئ قصيده جزله وبو يوسف يستاهل كل خير

صح السانك وبيض الله وجهك وابو يوسف يستاهل كل خير

تقبل مروري وتحياتي

وكل شاعر لك يغنـي بزينـات اللحـون=من حماس(ن) وسط راسه يخاف من الملام
ياحفيد اللي بالافعـال قـوم(ن) يعرفـون=القصايد ماتكفـي علـى صـدرك وسـام
وانت تستاهل وراع الردى يبقـى مغبـون=وكل رجلن مثل شرواك لـه منـا سـلام


لله درك ياحمد بن علي ابدعت وتألقت بجزل الشعر
صح لسانك واعتلا شانك مدد بلاعدد
تقبل مروري واعجابي بماكتب قلمك
لك كل الود والتقدير