بسم شيخ القبيله وسط حفل انبوان = مرحبا بالجميع وشوفكم يوم عيد
دامت افراحنا فيكم وطاب المكان = وفي لقاكم مسا الليله تراني سعيد
اسعد اللـه مساكم ياطوال اليمان = وبيّض اللـه وجيه اللي حضروا من بعيد
كلمةٍ قالها راع الحفل بأمتنان = يشكرالحاضرين وبالتحية يزيد
وكلنا نقول ماقصر صدوق اللسان = من كلام ابن مطني كلنا نستفيد
واجمل التهنيات الصادقات الحسان = والتباريك اقدمها لكم بالقصيد
جعل قاسم سعيد بكل عصر وزمان = بارك الله عليه وجعل عمره مديد
ثم ابارك لبوه بكل صادق بيان = ابن مطني لنا عند اللوازم رصيد
لاختلف راي هذا مع خويه افلان = بالمساواه له راين يقص الحديد
بالعدل بينهم معروف بالاتزان = وبالنصيحه وبالحكمه وراين رشيد
ولاضرب ضربته ماهي بضربة جبان = ضربةٍ تجعل الضايع لرشده يعيد
شيخته ماخذاها بواسطه مع ضمان = وارثٍ شيخته عن ورث عهدٍ تليد
ومن معزت عزيز الشان جينا انبوان= لو طلعنا من الديره عليها نعيد
كل حرٍ ولو هاجر يعود المكان = يرجع الماكره لو ماكره راس حيد
عاصمتنا بهذا الوقت مع وقت كان = ديرةٍ عن معاديها حماها العقيد
طيّب اللـه ثراه وخلده بالجنان = وحرّم الله وجهه عن لهيب الوقيد
يوم هي بالعنان وتحت ضرب السنان = شاهدٍ له عدوه واللـه اللي شهيد
لاعتزا بالبويضا فوق ضهر الحصان = معه راين سديد وفيه باسٍ شديد
قاسم اليا تبيّن مانزل للطمان = ولايحب الهوان ولارضى بالزهيد
وعن يمينه دليم وباللقا مايهان = بشتباك المعارك قال هل من مزيد
شيخنا دليم ابن براك بالفعل بان = يؤخذ العلم من راسه ورايه سديد
لالتقا الجمع بين الجمع والحرب حان = قال حنا لها عند اللقا مانحيد
فوق دهم لاصايل ساعة الامتحان = لابعد الميد حنا كسر راس العنيد
واصبح دليم له قدر ومعزه وشان = من كبار الشيوخ وفارس ابناء رشيد
ويوم عم الامن ببلادنا والامان = كلنا جنود لآل سعود وأخذ الاكيد
يوم عبدالعزيز اسس نظام الكيان = وبالكرامه ملك فرسان واعتق عبيد
وجمّع الشمل واصبحنا بحكمه اخوان = وضاف للمجد والتاريخ عهدٍ جديد

وكلنا نقول ماقصر صـدوق اللسـان
من كلام ابـن مطنـي كلنـا نستفيـد
بيض الله وجهك يبو خليفه

لاعتزا بالبويضا فوق ضهر الحصـان
معه راين سديد وفيـه بـاسٍ شديـد


بيض الله وجهك يابو خليفه هناالشعرهنا المعني ==تقبل مروري و تحياتي