يابن هنيدي ليامنك حضرت تغيب حضار= والليل اناوانت والمسرى على خط المدينه
ياكثر الافكار لكن باللزوم تضيع الافكار=بعضن من الناس تبحل وش حصل بينك وبينه

اهم شي انت تبقى ما تغيب وتلحق النار=لين نتقهوى ونذبح للشعر حقه سمينه
احترت يالصاحب المقداد في تفصيل الاخبار=مدري وش اللي يبي سلطان خيبر من جهينه؟؟

انته بعيني بهذا الشي لك عن خمسةانفار=عن خمستن كلهم يمشون بعقولن ذهينه
وسلطان خيبر بلش بالدرب راح ايمين ويسار=وزبن جهينه لجل يدرون بعلومن يقينه

الله يسلمك محسوبن من اهل السوق تجار=ماينقصك شي وتبرمج مفاتيح الكبينه
الذاهب اتعب قدم رجليه والعربان تختار= هو يحسبنه يبا يركب على متن السفينه؟؟

انا طبوعي كذا اخذ راي من صلفين الاشوار=لكن والله محب العاقل ابيح كنينه
انت استمعلي وعطني نظرتك من عرض الانظار=وان كان ماجزت لك ياصاحبي طف المكينه

ماهو خطأ ياطويل العمر هذا طبع الابرار=لكن وين الخبر ياالصاحب المقداد وينه؟
انا عطيتك خبر ورسلت لك مرسول طيار=والظاهر انه لقاء بابٍ مقفل ياعوينه

اذا تفضل وانا باقول لك ياشيخ وش صار=لكن لتحط في ذي طين والاخرى عجينه
اغرس وتغرس وهو يغرس ولكن مامن اثمار=وان ماعرفت الخبر يامكثر اللي عارفينه

العلم بالدار حول الطرقي اللي داخل الدار=اللي عطاك الرساله يوم وصلك في يمينه
اللي شكا لك عن الاوضاع في تمثيل الاشعار=ان ما مسكت الخبر معي اختتمها باالسكينه

عساك تسلم يابن هندي ولاتصدفك الاخطار=يقول هين وانا اللي قلت له وينك ووينه
في كل عام ايتحيزم شيخ يبغا ياخذ الثار=ويعود من فزعته يضحك وربعه مزعلينه

ان كان جاكم من الحره يهدر ويدحم بزار = خله يزاحم وبعد ايام تسمع عن حنينه
البدو ما تشد حمل القطين بذروة حوار= الحمل يدرون كايد والحوير خابرينه

المشكله كل قايد له بهاك الديره انصار=والطايره حملها قدام تقلع حافضينه
لونها بالصراحه كان مانرسل له انذار=لكن تحت العبي قفل الخزنه والخزينه

ترى جملكم لويحمل برك بالحمل ماثار=لو الجمل حر ويشيشه صوت مشجعينه
خلوه في ديرته وان ربعت بالوسم الاشجار=يسج رجله مع الديره ولا يقصر يدينه

هذا جمل قوم ياذيبان فيه اصغار وكبار=لو الجمل بس للمقدااد والله رابطينه
لو تنكره ياولد هندي عنه مافيه منكار=لاتحسب انك من سالم ولانته من قطينه

انا ماذمه لكن الدرب يالمقداد مشوار=يبغى عماني مدرب للمسافه من سنينه
منحر ورأس وسنامه فوق مشكار= محسوب للجيش مكرم والرجال مكرمينه