موقع الشاعرغازي البراك موقع الجميع

قم*يانديبي وانت مرسول الاشعار
مني ومضمون القصيد ابن براك
اركب على اللي للمسافات جبار
سره متى ماطاب ليلك ومسراك
لاتبلشك بعد المسافه والاسفار
والا تستمع في هرج ذولا وذولاك
دامك على اخر جيب والنوع فكسار
من مصنعه ماساقته غير يمناك
افخم موديلات المصانع والاصدار
لعل من فكر بصنعه فدياك
لادق سلفه قلت ياحي الافكار
يطربك حسه وانت تطرب بممشاك
مع الضمان يقطعك درب الاخطار
بعد الولي يوصلك لديار الاتراك
ماسامه اللي عايش الفقربايجار
ماحاف حوله غير تجار الاملاك
اللي رصيده فوق مليون مليار
في قيمته وقعله الشيك بابواك
سره لدار اللي على الطيب له دار
اللي ليا جيته على الطيب حياك
وسلم عليه وعطه تفصيل الاخبار
ومني سلامي عد دورات الافلاك
واعداد ماهلت من المزن الامطار
تحيتن من هامتك لين ماطاك
وقطفت من بستان شعري لك ازهار
وطرزتها بالمدح والمدح يزهاك
اجذب لك الالماس من عمق الابحار
لعلها ياشيخ تكسبني ارضاك
ياراعي الوقفات يانسل الاحرار*
حضيض من هو جاب مثلك ورباك
حرن سلك درب الرجوله وبه سار
وبه اقتديت وتكمل خطاه بخطاك
والطيب خصله فالبشر مثل الاشجار
يثمربناس وناس ينبت بها اشواك
كم واحدن بالطيب وده ولاصار
دونه قفل بابه ولافك شباك
حيث ان ماعنده لقى طيب مقدار
دامك ماودك في مخاواي مابغاك
وفي وجه غازي شاف بالعين الاسرار
قال انت مزباني وانا من مزاياك
قال من تكون وقال من طبع الاخيار
اللي مثل شرواك ياحسن الاسلاك
خوي جدك قاسم الخيل والكار
الفارس اللي نفس حلياه حلياك
ودليم ابن براك له عندي اسرار
خوة شرف ماهزها هرج شكاك
في عيونك اشوف الرجوله والاصرار
والبسمه اللي ماتفارق محياك
انشهد انك للصعيبات بيطار
زبن الدخيل اللي من الضيق ينصاك
تفرج عن المحتاج كربه ليااحتار
همه يزيل وينتهي بعد ماجاك*