موقع الشاعرغازي البراك موقع الجميع - محاورة مرشد البذال وسالم بن تويم

قال مرشد:
انا وياك يا سالم تناوينا علـى المطـراش .. .. مطاريش الرجال اليوم ماهـي الاولانيـه
مطاريش الرجال اليوم لامسري ولا مغباش .. .. تروح الصبح وتقضي لوازمك الضحيويـه

قال سالم :

يعل الدرب سمح إلى ضربت الدرب يا الطراش .. .. انـا ويـاك والله مـا نمـل الـدرب موليـه
انا اشري ربعتك بالمال والله جابهـا ببـلاش .. .. وان كان انك تبي مره فانـا ودي بهـا ميـه

قال مرشد :

الامنه حصل لك فرت والا بوكس عنتر ناش .. .. قطعت الدرب كنك جالس(ن) لك فوق زوليه
الامنه تكاليف في مسيره والدريول شـاش .. .. عجايب وان حصل له سكةً بالقـار مطليـه

قال سالم :

يكمل ما ذكرته وان حصل لك صاحب(ن) بشاش .. .. وله نفس(ن) عن الهسات والضيقـه غناويـه
نظيف(ن) جوشنه ما فيه غش ولا يبا الغشاش .. .. مثل شرواك يـا مرشـد ولا لـي بالحضيبيـه

قال مرشد :

لقيت اللي يساعدني على دربي بوسعة جـاش .. .. انا هالحين حصلـت الرفيـق وزانـت النيـه
على صنعة امريكا ما حلى الاصوات والشوباش .. .. نسينا مركـب الجيـش الَحرايـر والعمانيـه

قال سالم :

يجيني وقت تلقى جمة العيلم تصير قطاش .. .. ويجيني وقت تلقى حاجة الاصحاب مقضيه
أجازي مهدي النيرات باللولو وجل قماش .. .. إلا جتني بيوت(ن) من عجيب الرد ممليه

قال مرشد :

اظنك يا سويلم راس ظبي(ن) ما وراه عراش .. .. ولكني عرفت قصاك قد الشرب والريه
تبي قرع البيوت اللي بها بعض العرب ينداش .. .. صحيح أن المثايل فرقها نيره وربيه

قال سالم :

اجوز لخاطرك يوم انت شـره ولاتحـب الـلاش .. .. مثل ما تذكر اللي شفت انـا بـك شايفـه فيـه
تري رفع المقام من النصيب من الوالي واْن حاش .. .. ليا ساعـدك ربـك صـرت خيـال(ن) ورجليـه

قال مرشد :

يقولون العرب تالي سنينك صاير(ن) تنحاش .. .. عن الملعوب ما يدرون بالبلـوي سماويـه
بلاي السيره ما تنفهم الطرقي من الحشاش .. .. مع الطارق كل(ن) فازع (ن) من فوق ركبيه

قال سالم :

انا عندي خبر من لايخلط مع الطحين قشاش .. .. يبي له حنطة من جملة الشبهـات منقيـه