يالله يامحيي العظام الرميمات = يفارجن لاأيوب مما يعانية

يامنجين يونس وموسى لنا آيات = ياخلقن خلقة وعالم خوافية
يافارج الكربة بديع السموات = ياقادرن تفني عبيدك وتحيية

أدعيك بسماك وصفاتن عظيمات = تشفي مريض(ن) ماله الإ انت تشفية
وتعيدله وعيه ويرجع كما فات = في قدرتك يالله قادر تعافيه
بمرك ترده سالمن للبنيات = وعياله اللي بعد رجواك ترجيه
وربعن على شوفه تسوق البشارات = متأملين برحمتك ماتخليه
ندعي وتدعيله جموعن غفيرات = غير الدعاء مافيه شين نسويه
لأبوسند لوالجمايل كثيرات = ياطيب فزعاته وياحي طاريه
أن اشهد انه عز مابه مروات === ماصك بابه دون خدمة بنيخيه
كم واحد بلشان وسط الممرات = ودخل علية أمكتبة واحتفى فيه
ونجز معاملته بنفسه وبسكات = مامن في طيبه ولاغث ناصيه
ياصل مواصيل على الغير صعبات = له هيبه وتقديروالكل يغليه
ولاكبرت القاله وجابه متاهات = وتشاوروا بالراي وحتارراعيه
يلفون عبدالله كثيرالعلاقات = لاقام قام ويسر الله مساعيه
ويحلها في كل عرف وسياسات = يرضي بني عمه ويزعل معاديه
ولاجابوالعربان طاريه بالذات = يقال نعم(ن) فيه والطيب زاهيه
يومن خطواللآش راع الدعايات = ماينتفع منه ولاأحدن يدانيه
لويمسك المنصب ودارالأدارات = مجهول لينن الكراسي تخليه
هذا الوكاد ولايبي له دلالات = والمرجله صعبه وصعبن
مماشيه
ولوكان يرصد للمراجل علامات = لله دره ياسند من يضاهيه
أبوك مثله نادرن بالجماعات = فخر(ن)لنا ياعل ماالعين تبكيه
ماتحتوي مدحه قصايد ولاأبيات = والله ثم والله ماني موفيه
معروف يومن الموارد شحيحات = واقف لربعه واثقن من خطاويه
وسجل لنفسه بصمتن وأنتصارات = ومجد تليدن يعجز الوقت يمحيه
واكبر دليل شفت فيه المعانات = لاجيت بالأحوال ضاقت مبانيه
وشفت الفراغ اللي ترك في ضيقات = والمكتب المصكوك وطياف راعيه
ورفع يديه بالدعاء وسمع اصوات = تقول مع آمين يالله تشفيه

نسأل الله له الشفاء العاجل
الله يشفي ابو سند ويقومه بالعافية
وصح لسان شاعر
ويعطيك العافية ابو صالح
ع نقل القصيده لنا
تقبل مروري

الدكتور / منصور

صح السان الشاعر تركي

والله يشفي عبدالله بن سند ويكتب له الاجر

والف شكر لك يابو صالح على نشر هذه القصيده جزاك الله خير

جيت اللي حاجه ابراع المواجيبي =راعي الفزعات يعـرف افزعـاته

عند عبدالله احصان الاطاليبي =ما نسينا قبل هـاذي جمالاته

عز ربعه ماكر الجود والطيبي =بذلت المعروف والطيب عـاداته

قبـل لا يقضي لزومـي ايحييبي =وقضيت الازم اتسابق اتحياته

بـالوازم ما يجي فيه تجنيبي =وكـل مـايامر اتـنـفـذ طلاباته

الوفـا مـاهو على مثله اصعيبي =لـو ايوصي توصيه تنفذ وصاته

بكل طيبتن مضت له تجاريبي =من صغر سنه على الطيب هوماته

جـانبه محمي عن الشك والـريبي =ابيض وجهه ما يمشي ابخملاته
يـابـعد منهو اقـريب محاضيبي =يـا مدحته شك من قشر نياته

انت حـرن مـاكره بـالمراقيبي =وكـل حـرن تعرف الناس هداته

دربك والـدك بـالطيب تدريبي =لين فيك الطيب بانت علاماته

تمدحـك ربعك وكل الاجانيبي =مـن يجيلك تجتهد لـه امقضاته

والوفـا لـو غـاب راعـيه ميغيبي =لـو يغيب أيعد فعله ابغيباته

والردا عدن خبيث الـمشاريبي =ونتوفـا صـاحبه قـيـل هـفـاته

والنهـايه فـي ختـام الـمكـاتيبي =بيض الله وجه من شفت وقفاته

وطـال عمرك ياقليل العذاريبي =طـولتن في طـاعت الله ومرضاته

ا سئل الله العظيم رب العرش العظيم ان يشفيه
ا سئل الله العظيم رب العرش العظيم ان يشفيه
ا سئل الله العظيم رب العرش العظيم ان يشفيه
ا سئل الله العظيم رب العرش العظيم ان يشفيه
ا سئل الله العظيم رب العرش العظيم ان يشفيه
ا سئل الله العظيم رب العرش العظيم ان يشفيه
ا سئل الله العظيم رب العرش العظيم ان يشفيه

اسأل الله العلي العظيم ان يشفيه شفاء عاجلا

وصح السان الشاعر المميز

تحياتي للجميع