حتى واقعي اللي اعيشه الان بما فيه من حياة مدنية مانساني تسلسل الواقع الزمني اللي مر فيها الأباء والاجداد ، فما طلع معي إلا اني اصور تلك المناظر بصورة شعرية تجعلنا نتذكر شيء مما غاب عن البال ووقر في الحال.

من هاجسي سجيت مع خايع الدو=وخذيت لي في عالي الرجم عفه
قبل الغروب .. العصير صافي به الجو=غربي "دبي" .. شرقي "رخه" يحفه
رجم به الأسلاف داجو ومرو=أثارهم في حدر حيده مصفه
باقي بقايا وجار من شبة الضو=وباق النضد لأغراضهم حيد رفه
على الوفا والطيب ياما تناخو=عاشوا على وقت العصور المحفه
عجلين لا مدو ووافين لا عطو=ناس(ن) بهم مع خفة الدم عفه
محلا تشاورهم ليا من تنادو=رجالهم علم الوفا راس شفه
لهم حداوي كان للعد وردو=ولدليهم مع طية البير هفه
اسقوا دبشهم طلعة الشمس مالهو=وكل(ن) طوى حبل الرشا ثم لفه
وليا ذكر طاري الحيا ماتوانو=عساسهم جاب العلوم المشفه
وعلى الرحيل ان كان باكر تواصو=كل(ن) عجل لا شال حمله وضفه
على الركايب كان شالو وحطو=واغراضهم ماهي ثقايل وخفه
وليا مشى مظهورهم بدو شدو=على الجمل يلوح شاهد وكفه
مابعد معشاهم ليا من مدو=قد خايلو برق(ن) بعيد(ن) مرفه
وليا نزلو خضر الفياض استجدو=بدو(ن) على شوف الحيا مستشفه
والعلم عنهم كان جابو وودو=رجالهم ياسعد من كان صفه
فعايله تصدق كما صادق النو=لا لاح برقه والهبايب تزفه
يفرح بضيفانه من البعد للفو=سيما الكرم على جبينه وكفه
ياعونة الله وين جيل(ن) لنا اقفو=ماغير طاريهم بقى نستشفه
يسقيك ياديرة جدود(ن) تنحو=واحفادهم على الوفا مستضفه

عجلين لا مدو ووافين لا عطو
ناس(ن) بهم مع خفة الدم عفه

وصلت الى هذا البيت وتوقفت ؟

أتعلم لماذا؟

أبهرني جمال ماكتبت ..

سأعيد القراءة وأعود مرة أخرى ..

الاحرى بهذه القصيدة التثبيت

ياعونة الله وين جيل(ن) لنا اقفو=ماغير طاريهم بقى نستشفه

نعم ذهبوا .. وغابوا .. واختفوا
ولكن !!!
بقيت مآثرهم واذكارهم
بقصائد شعرائهم امثال (( حمد علي البراك ))
الذي سطر لنا جانباً من سيرتهم العطره بهذه الشامخه
التي لايتقن صياغتها الا شاااااعر مثله.

ابو علي
اخذتنا الى بعيييييييييييييد
واعدت الذكريات القديمه .. ودونتها .. وحفظتها لنا بهذه القصيده .

خذني معك في طريقك .. فأنا من هواة طريق الابداع .

بيض الله وجهك

وصح لسانك ملاااااااااااااااايين

تقبل تحياتي وتقديري واحترامي

صح السانك ياحمد بن علي على القصيدة الوافية الجزلة التي ترمز الى
الاصاله و لك مني جزيل الشكر وتقبل تحياتي ومروري ,,,,,,,,

صح بدنك وشرف لي مرورك وتعليقك

بانتظار عودتك يا عذب واشكرك على رفع راية التثبيت

أشكرك يامشرفنا المبدع وشاعرنا الصدوق على مشاعرك تجاه هالقصيدة .. واشكر فيك جزيل اهتمامك وتثبيتك للقصيدة .

لا حرمنا الله أنامل ابداع وفكر ادارتك

نعم ذهبوا .. وغابوا .. واختفوا
ولكن !!!
بقيت مآثرهم واذكارهم
بقصائد شعرائهم امثال (( حمد علي البراك ))
الذي سطر لنا جانباً من سيرتهم العطره بهذه الشامخه
التي لايتقن صياغتها الا شاااااعر مثله.

ابو علي
اخذتنا الى بعيييييييييييييد
واعدت الذكريات القديمه .. ودونتها .. وحفظتها لنا بهذه القصيده .

لا تحرمني نقدك ووجود دوماً

تقبل سروري بحضورك

مجرد زيارتك للقصيدة واشادتك بها يعني لي الكثير ويشجعني أكثر وأكثر على العطاء والاستمرار. بيض الله وجهك يابو يوسف على تفانيك وخدمتك للاعضاء

تحياتي وشكري لك على تفاعلك ومرورك الجميل يا فيصل

يا حي الله أبو عبيد .. هالرد من أمثالك يعني لي الكثير. لاهنت على تواجدك ومرورك

باقي بقايا وجار من شبة الضو--وباق النضد لأغراضهم حيد رفه
على الوفا والطيب ياما تناخو--عاشوا على وقت العصور المحفه
عجلين لا مدو ووافين لا عطو--ناس(ن) بهم مع خفة الدم عفه
محلا تشاورهم ليا من تنادو--رجالهم علم الوفا راس شفه
لهم حداوي كان للعد وردو--ولدليهم مع طية البير هفه
اسقوا دبشهم طلعة الشمس مالهو--وكل(ن) طوى حبل الرشا ثم لفه
----------------------
الاخ حمد بن علي --على الرغم من انني عشت هذه الايام وعرفتها جيدا الا ان تصويرك الابداعي واجادتك لرسم هذه اللوحه الفنيه جعلني اعيش الماضي من جديد واحن له على ما فيه من قساوه وما ذاك الا لان حمد اتقن العزف واجد التصوير--تقبل مروري مع تقديري واعجابي ولك خالص تحيتي

نعم ذهبوا .. وغابوا .. واختفوا
ولكن !!!
بقيت مآثرهم واذكارهم
بقصائد شعرائهم امثال (( حمد علي البراك ))
الذي سطر لنا جانباً من سيرتهم العطره بهذه الشامخه
التي لايتقن صياغتها الا شاااااعر مثله.

اخذتنا الى بعيييييييييييييد
واعدت الذكريات القديمه .. ودونتها .. وحفظتها لنا بهذه القصيده .