يابو محمد كيف حالك والأخبار=عساك طيب يابن مظهور قلي
جينا زيارة بس ماشين يا جار=زيارتن تعرف بموضوعها اللي
يبغى لها صبر(ن)على الوقت لا جار=واظن حاصل لك مثل ما حصل لي
وانا انتظر رحلة تجهز وطيار = ياطيبن قدام أعرفك تهلي
لك صفحتن بالمجد تسر الأخبار=فيها سطور شعرك اللي تسلي
وانته حفيد اللي لهم فعل واذكار=فرسان لجموع المعادي تجلي
ولك التحية من حمد سر وجهار=عدد همالن من الغيث هلي

ياسائلن عني هلا فيك مليار=وابشر تراي بخير دقي وجلي
ارحب ولك عندي معزة ومقدار=واقلط محلك يالبناخي محلي
يابو علي يا نسل شبابة النار=نسل الشيوخ اهل الظلال المظلي
واهل القنا والسيف حماية الجار=عون الضعيف المستريب المقلي
شاعر ولك بالشعر بصمة ومشوار=وغيمة قصيدك تبرق وتستهلي
يالزاير اللي جيت من عرض زوار=نفس الظروف اللي جرن لك جرن لي
وانته رجل فاهم ومؤمن وصبار=وانا معك بالصبر دوم امتحلي
نصبر على الدنيا ونرضى بالأقدار=اقدار رب(ن) في سماه امتعلي
حياتنا سكه محاطه بالاخطار=نمشي بها ولابد منها نولي
ومهما يكن راضين في كل ما صار=والحمد للي له نصوم ونصلي

أتمنى من الله ان الظروف تتحسن ونجتمع انا وهو ونتبادل أطراف الحديث عن الشعر وعن غيره.

الشاعر / عبدالله بن مضهور
المساجله التي بينكم من اجمل المساجلات الشعريه
وفيها ابداع ومليئه بالشعر الجزل والحكم بالرغم من قصر الابيات
لكم تحياتي واعجابي .

صح السانك

قصيدة رائعه منك
والجميل انها موجهه
للشاعر الكبير عبد الله المظهور وصدى رائع
تحيتييييييييييييييييييي

يا حياك الله يا بدر

وسرني مرورك واشادتك