اقرأه طيب ويخضر الهاجس اليبس = ويهيض شعري بالمديح ويجيله
يمتد شعري وانحبس للشعر حبس= ليا حتواني هاجسي للجزيله
هذا مبارك مبعد الشوح والرمس=هذا زبون المعضله والثقيله
هذا مبارك حزت الموقف الضبس= ليا وقف ثقل الحمل يرتكيله
ياحي ها الوقفه وياحي ها الحس= ياحظ والله من ولد له مثيله
مشغوف باله في قضايا بني عبس= راع الفعول الطيبه والجليله
يجهر بعلمه ما يهمس الحكي همس = صخر حياته كلها للقبيله
انشاء مظله تربط اليوم بالأمس= اتعب قدم رجله عشان النفيله
فعله مبين ما احدٍ يحجب الشمس= قليل من سوى سواته بجيله
يفداه لاش ٍ خاطره دايم ٍ عمس= ماله بفعل الطيب حيل ٍ وحيله
وان شاف فعل الطيب منه انحمس حمس= وسولف علوم الرخيصين القليله
نمس ٍ يسولف بالخفى هرجة النمس= بالطيب ماله حظ هذا حصيله
رجعي فكر مطموس في غيته طمس= محدود فكر ومتخذها وسيله
يا محرفين الهرج ما يحتمل لبس= هرج ٍ بلا برهان وشهو دليله
ولا مبارك تفتخر به بني عبس= راع الفعول الطيبه والجليله
اقولها وابصم على قولي بخمس= انه زبون المعضله والثقيله
سطر للتاريخ القبيله على الطرس= عنوان توحيد الرجال الأصيلة

المشاركة الأصلية كتبت بواسطة ابوعبيد (المشاركة 88639) احمدبن هنيدى صح الله لسانك واعتلا شانك على الابداع الشعري والممدوح يستاهل مبارك الدويله رجل يستحق المدح تقبل مروري المتواضع

المشاركة الأصلية كتبت بواسطة مشوح القعبوبي (المشاركة 88656) وافي وافي دايمايااحمدوصح لسانك

المشاركة الأصلية كتبت بواسطة بدرالبدر (المشاركة 88671) صح السانك وبيض الله وجهك والله انها في رجال يستاهل المدح مشغوف باله في قضايـا بنـي عبـس راع الفـعـول الطيـبـه والجلـيـلـه تحيتيييييييييييييييييييييييييييييييييي