عز الله انك شربت الفنجاال الحاالك وطعمه ماارااح للحين
الله يعينك عليه قصيده راائعه ااخي الغاالي هااوي نجد

(اوي فنجالٍ شربته لحالي=فنجال ماله ثانين باالفناجيل

فنجال من غالي يمده لغالي=تهديه غير يديه سودٍ مظاليل)

يابنت ذا البيتين ياليتها لي=كان اكتفي عنها ببدع التماثيل

هذي لبوي اللي يجيب الجزالي=عودٍ يذلل عاصي القاف تذليل

افخر بذكره وارفع الراس عالي=وبفعله اللي للمشاكيل حلحيل

وفي دربه ارقى عاليات الجبالي=وفي سيرته يمشي رجالٍ مشاكيل

واليوم ماله باالغرام اجتوالي=على طرف سجادته يقضي الليل

قلبه عن اهل العشق داله وسالي=ولاعاد له في يمة العشق تقبيل

وشعر الغزل لامن سمع له مجالي=قال الله الله راح جيلٍ وجاء جيل

هذا جوابي لك ولكن سؤالي=من عقب مابينّت كل التفاصيل

اللي حلال ابوي ماهو حلالي=انا بديله كان تبغين تبديل

وتبسّمت بنت الدلع والدلالي=وغضة برمشٍ فاتر الحيل باالحيل

(وقمنا على ماقال لاله ولالي=الا وعودٍ باالليال المقابيل

والله درى عن مقبلات الليالي=هن يلقحن ولابعد يظهرن حيل)

شـكـرن أخـوي هـاوي نجد

على النقل