لغز سهل يبي حل
بسم الله الرحمن الرحيم اللغز سهل ومايحتاج الا شوية تفكير ولي عوده ان شاء الله ياللي تشوف اللغز حاول وانا ذيب = يمكن تحله ثم اهنيك بالحل بنت ومن تهجره موصوف بالعيب = لاشك عايش من بعدها على غل لوعفو ربك سابقه للمكاتيب = في سرعة من هولها تسبق الكل عطيتك المعنى ولابه عذاريب = ياللي تعرفه قوم هالحين وارسل |
رد: لغز سهل يبي حل
هلا فيك ياذيب الفيافي
عندي رمعه طال عمرك وهي الصلاه . لان من ترك الصلاه اصبح مكروه واذا لم يكن الحل الصلاه وش رايك بالامانه . لك رمعتي وتحياتي ومروري . |
رد: لغز سهل يبي حل
مالك لوا ياهاوي الصلاه والامانه ماهي سريعات ولاتسبق الكل انا اتوقع اللي يبي يحل اللغز انت بس لو تركز حليته لي عوده ان شاء الله وسوف اشرح كل بيت بعد
ماينحل اللغز حتى مايكون فيه انتقادات وسلامتكم |
رد: لغز سهل يبي حل
ياذيب يامال العافيه عندي رمعه
وسمحلنا على القصور ماهي (كلمة الحق) |
رد: لغز سهل يبي حل
ياذيب يامال العافيه عندي رمعه وسمحلنا على القصور ماهي (كلمة الحق) |
رد: لغز سهل يبي حل
مامن قصور ياعواض انت ووليد لكن ماهو الحل
|
رد: لغز سهل يبي حل
عندي رمعه وسمحلي عليها == وشرايك بتفله او نفذه
|
رد: لغز سهل يبي حل
مالك لوا يالجريمي يالربع والله اني قلت اول ماانزله ينحل لكن فأجأتوني ياجماعه بنت ولو رحمة الله كان سبقت المكتوب واللي تهجره يصفونه بالعيب يقولون فيه العيب الفلاني لانه ماهي موجوده عنده وذكرها الرسول صلى الله عليه وسلم ماتوقع فيه توضيح اكثر من ذلك
وانا مستعد للرد على اي انتقاد |
رد: لغز سهل يبي حل
طيب عندي رمعه والله العالم
يمكن النفس من تهلكه موصوف بالعيب |
رد: لغز سهل يبي حل
وش رايك بالعين او الرحمة فرح البراك |
رد: لغز سهل يبي حل
حل اللغز العين
الله يكفينا شرها صراحه الحل مطابق للغز . |
رد: لغز سهل يبي حل
هلابك ذيب الفيافي وعندي رمعة او موافقةحل
اوافق اخي فرح يمكن تكون (صلة الرحم ) نتمنى ان وفقنا بالحل ::: |
رد: لغز سهل يبي حل
اقتباس:
المشاركة الأصلية كتبت بواسطة فرح البراك http://www.gazialbrak.com/vb/gk/buttons/viewpost.gif وش رايك بالعين او الرحمة فرح البراك بيض الله وجهك يافرح الحل هوالعين واقول لهاوي بيض الله وجهك بعد لكن من سبق لبق هههههههههه ياللي تشوف اللغز حاول وانا ذيب=يمكن تحله ثـم اهنيـك بالحـل بدايه تشجيعيه للحل بنت ومن تهجره موصوف بالعيب =لاشك عايش من بعدها على غـل موصوف بالعيب الخلقي كالكفيف او الذي يعمى بعد فتره من الزمن يقال انه به عيب وهو العمى ويعيش فاقدها في هم لوعفو ربـك سابقـه للمكاتيـب=في سرعة من هولها تسبق الكـل لقول الرسول صلى الله عليه وسلم في مامعناه(( لو كان شي سابق القدر لسبقته العين)) عطيتك المعنى ولابـه عذاريـب=ياللي تعرفه قوم هالحين وارسـل بيت للتكمله وزيادة التشجيع وتبرئة النفس من التقصير بالتوضيح ودمتم |
رد: لغز سهل يبي حل
صـــح لسانك ياذيب والله أن اللغز وافي
ولا به عذاريب |
رد: لغز سهل يبي حل
ووجهك ابيض ياذيب الفيافي والله ان الالغاز الجديدة تعجبني لو ما احلها تحياتي لك فرح البراك |
| الساعة الآن 12:48 AM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir