ياطيب ابو سامي عسا الله يعافيه = ولاظنتي في عبس يوجد وصيفه
سمر عليان امدحه وافتخر فيه = ذكره يشرف والمواقف شريفه
اعتز باللي يرفع الراس طاريه = ماعتز في سمعه خطات الهديفه
عز الرفيق الي صرخ واعتزاء فيه = وريف الضيوف اللي تراود مظيفه
يعناله اللي جاير الوقت واطيه = ويفرح به الي مالقاله وظيفه
من خلقته ماصد عن وجه عانيه = ولاصك باب البيت في وجه ضيفه
هداج تيماء حاضره مثل ماضيه =بحرن بوقت شتاه وبوقت صيفه
والمدح مايستاهله غير راعيه = لو يزعلون اهل النفوس الضعيفه
ياسلالة اللي لابته تفتخر فيه = مثل عبيدة تفتخر ببن ريفه
والا الردي ذكره يفشل بنيخيه = ماله رفيق وسمعته ريح جيفه
كل العلوم الخايبه تجتمع فيه = خنزير كاشخ في ثياب نظيفه
لاضر من ضره ولاعز واليه = ولاهو مكلف بالامور الكليفه
عفن يلق الضيف مقرن علابيه = وجه مثل حد الحصاه المحيفه

صح الله لسان الشاعر العلم عبدالله الأشرم ..

وسمر عليان يستحق أكثر من ذلك ومواقفه مع الجميع لاتعد ولا تحصى ..

والشكر لك ياأبو سارة على مانقلت ..