لاوهني اللـي مـن الهـم خالـي=مااذاق لوعات العنـا والغرابيـل
يضحك وقلبة مادرى وش جرالي=ولاعرف وقت النكـد والتهاويـل
ليتة يحس بلوعتـي كيـف حالـي=هو يحسب ان الهم مثـل التعاليـل
عز الله انـة مافقـد حـر غالـي=فيها السهر والهم عكس التساهيـل
عكس الفرح لاصار ضدي وصالي=مثل الحطب بالنار وقت الصهاليل
قلبي حطب ناره مـن اول وتالـي=مسكين ياقلـب الشقـا والتناحيـل
غير الذي مرتـاح قلبـة وسالـي=عايش وقلبة بالطرب والمواويـل
لاشك ما يطري مثل مـا طرالـي=ساري وهمـي مادروبـة مهابيـل
ونور الصبح قرب وانا في خيالي=ودرب الوناسة والفرح بالمحابيـل
محدن قنص قلبي بحبـة وشالـي=غير الحبيـب مفرقينـة عواذيـل
متعقـدن دربـة يميـن وشمالـي=يا الله تجيبـة بالليالـي المقابيـل
وشهد بحبة صار لي راس مالـي=مثل الذي توة رضيع وبالزهاميـل

صح لسانك ياحمود

رائعه والشاعر راااائع

بارك الله فيك

مبدع ومتمكن

تقبل تحياتي وتقديري واحترامي