نحمدك ياكريم ومابرجواك ياس=ياجزيل الوهايب يامديم النعم
ماعلى الدر ضيم ولا على الجود باس=يوم عًود حبيب الدار شيخ الكرم
طاب سلطان أبو خالد وزال العماس=وأنتهت كل ضيقة وأنجلى كل هم
بشرو به قلوب قد طواها اليباس=أونست من فراق الشيخ مثل اليتم
وبشرو به عيون مانهشها النعاس=لاغصيبه ولا حتى بحبة خشم
وبشرو به طوابير سقاها حماس=لين رويت سواعدها ثبات وعزم
وبشروا كل عزٍ ماعلية ألتباس=وبشروا ياسلام وبشروا يالنعم
الف لا باس ياللي ماأنهزع منك باس=رغم الأوناس وأمرار الدواء والألم
غبت عنا قوي إيمان مرفوع راس=وجيت سالم وغانم شامخٍ مبتسم
ياهلا بك عدد مااسمل جديد اللباس=وعد..ماحطمت..بالجود كفك رقم
كن لقياك ماء .. وكن الأيام كاس=مدها الله وزال بها العطش والسقم
جيًتك عيد .. وغيابك ظلام ودماس=بك تباشر قلوب وبك ترسخ قيم
تعتزي فيك ناس وتبتحل فيك ناس=وأنت في كل حالاتك جوادٍ شهم
مال علياك ياعلو المكارم قياس=يابعيد الهقاوي يالأبي الأشم
ياوسيع البنايد ياصعيب المراس=ياحجانا ليا ضاق المدى وأزدحم
ياكريم السجايا ياصدوق الحواس=لا .. كبت .. بك .. جواد.. ولا عثرت بك ..قدم
مانشدنا قصايدنا على أية أساس=ترتكز في الحنايا مثل ركز العلم
لأنك أنت البديع ..ولأنك أنت الجناس=ولأن نبض القلوب اللي تحبك قلم
دمت للدار نبض..ودمت للطيب ساس=سيدي من وجودك .. لا خلا ولا عدم

المشاركة الأصلية كتبت بواسطة بن مرجي (المشاركة 39575) صح للسانه ومشكووووووووووووور على طرحها

المشاركة الأصلية كتبت بواسطة بدرالبدر (المشاركة 39606) ياناس ابداااااااااااااع مساعد ليس له حدود مشكور اخوي المر العذب بيض الله وجهك وجه الزعيم تحيتييييييييييييييييييي

المشاركة الأصلية كتبت بواسطة هاوي نجد (المشاركة 39607) مرحبا الف يالمر العذب ومرحبا الف في جديد مساعد ومرحبا الف في تباشير عودة ولي العهد حفضه الله سالماً معافى . غبـت عنـا قـوي إيـمـان مـرفـوع راس وجيـت ستـسـم

المشاركة الأصلية كتبت بواسطة د/منصور (المشاركة 39637) مرحبا الف يالمر العذب ومرحبا الف في جديد مساعد ومرحبا الف في تباشير عودة ولي العهد حفضه الله سالماً معافى .

المشاركة الأصلية كتبت بواسطة سعود العجوني (المشاركة 39664) طاب سلطان ابو خالد وزال العماس>< ونتهت كل ضيقه ونجلى كل هم صح السان الزعيم

المشاركة الأصلية كتبت بواسطة ابوعبيد (المشاركة 39674) تعتـزي فيـك نـاس وتبتحـل فيـك نــاس وأنـت فـي كـل حالاتـك جــوادٍ شـهـم صح لسان الزعيم مساعد الرشيدي وتسلم يالمر العذب على هذا النقل الذي أتمنى أن يتكرر بستمرار لك خالص تقديري وأعظم تحياتي وتقبل مروري ابوعبيد

المشاركة الأصلية كتبت بواسطة خالد البغيلي (المشاركة 39783) مشكور اخوي المر العذب بيض الله وجهك وجه الزعيم

المشاركة الأصلية كتبت بواسطة الجريمي (المشاركة 39796) مشكور يالمر العذب علي القصيده الرايعه من شاعرنا الكبير مساعد الرشيديوبيض الله وجهك === ودير بالك علي ولدي عبدالله وشكرنا هههههههههههه

المشاركة الأصلية كتبت بواسطة الشمالي (المشاركة 39818) المر الحالي جعل الله ايامك كلها حلا بدون مر مالبثنا الا وجئتنا بجديد مساعد سلمت يمينك على النقل الرائع وصح لسان شاعرنا مساعد ربيع

المشاركة الأصلية كتبت بواسطة سعود عبس (المشاركة 39821) عافاك الله على النقل ... والحمدلله على سلامة صاحب السمو الملكي الامير سلطان بن عبدالعزيز .. وصح الله لسان الشاعر مساعد الرشيدي .. تقبل مروري

المشاركة الأصلية كتبت بواسطة فواز (المشاركة 39827) الله الله رائعة من روائع الشاعرالمبدع الزعيم الكبير /مساعد الرشيدي كيف لا تكون رائعة وهي من مفردات هذا الشاعر لا غرابة فقد قال في احد روائعة الذهبية من ضمنها هذا البيت ياقصيدي كان الاشعار سادات وعبيد **** والله انك من بحوراً عريباً جدها ابو فيصل قادر على تطويع الصعب والتفرد بالمفرده فهو حقاً يحلق خارج السرب دام تألقك وتفردك وصح لسانك يامساعد .. والحمدلله على سلامة امير القلوب صاحب السمو الملكي الامير / سلطان بن عبدالعزيز وان شاء الله نفرح بقدومة إلى ارض الوطن كما فرحنا في سلامتة ومشكور اخوي الغالي المرالعذب على نقل القصيدة الشامخة دمت ودام ابداعك وتألقك .

المشاركة الأصلية كتبت بواسطة دلوعته (المشاركة 39847) رائعٌ ما نقلته أستاذي المر العذب ورائعةٌ تلك الكلمات اروتنا حد الثماله .. و نحمد الله على سلامة ولي العهد حفظه الله وصح لسان من خط هذه الابيات وطابت روح من نقلها.. دمت بخير مع التحيه دلوعته :

المشاركة الأصلية كتبت بواسطة سعودالبراك (المشاركة 39863) نسأل الله العلي العظيم أن يرد ولي العهد معافى الى أرض الوطن ::: والف مرحبا فيك يالمر العذب وصح لسان الزعيم على حبة هالخشم:::