الله من ظلم الزمان وعذابه=
يابعد دار معذب القلب بعداه
غرون جرح قلبي بحبه وصابه=
من يوم شفته هز قلبي من اقصاه

في ليلة اللقياء تخطيت بابه=
وجلست مدري إني على بالى القاه

وقفت اطالع في حلاه وشبابه
ورقص لها قلبي وصفق وحياه

يومي جلست وشفت فلبي غدابه=
أسال رفيقي من هوى البال وش جاه

قال انظر الجمهور فيها غرابه=
قامت تصفق له وكثرت هداياه

شوف الردوف بطول قد ومهابه=
طالع منايا الموت تلمع بيمناه

سحر الهوى فيها مجرد نصابه=
سيف القلوب ادناه يذبح من اقصاه

عزالله ان اللي تكلف وجابه=
عزالله انه لاحقن ماتمناه

قلت البلا..بالقلب قلبي سطابه=
شيء (ن) منه في داخلي ماقدر اقواه

ياخوك قله وين موطن ترابه=
وقله ترى قلبي يحبه ويهواه

واقبل وزاد القلب منها صوابه=
يقول دار العز داره ومرباه

واعطاني العنوان واقفت ركابه=
ممداني ارجع له وهو بعد ممداه

وحصل الفراق وطال عندي غيابه=
واليوم مدري وين داره ودنياه

واصبح تضف القلب مثل السحابه=
غيمة حزن يروي بها القلب من ماه

منها حنايا القلب مثل الخرابه=
دايم يتابعني خياله وذكراه

ليت الزمن راجع فوارق حسابه =
والحظ ماجابه ولا جاب طرياه

المشاركة الأصلية كتبت بواسطة هاوي نجد (المشاركة 34800) قصيده رائعه وجميله صح السانك

المشاركة الأصلية كتبت بواسطة عواض الرشيدي (المشاركة 34804) قصيده رائعه وجميله صح السانك

المشاركة الأصلية كتبت بواسطة خالد البغيلي (المشاركة 34803) صح السانك على هذه الابيات الرائعه

المشاركة الأصلية كتبت بواسطة سعود عبس (المشاركة 34880) واعطانـي العنـوان واقفـت ركابـة ممدانـي ارجـع لـه وهـو بعـد مـمـداه وحصل الفراق وطال عندي غيابة والـيـوم مــدري ويــن داره ودنـيــاه صح الله لسااااااااااانك

المشاركة الأصلية كتبت بواسطة سعود العجوني (المشاركة 35303) ليت الزمن راجع فوارق احسابة = والحض ماجابة ولا جاب طرياة الابيض 11 قصيدة جميلة تقبل اعجابى وتحياتى لك