مانته ولي امـري ليـا صـرت مرضـان = ولاخضـع لمثلـك ياعـديـم الشهـامـه
والله لـو امسـي مـن الفقـر جيـعـان = فـقــرن بـعــز ولا غـنــات انـهـزامــه
كـل الامـور تهـون فــي كــل مـاكـان = وكلـش يهـون الا الشـرف والكـرامـه
وش قيمـة الرجـال بالعـمـر لا نـهـان = لـو صـار لـه مـن كثـرت المـال هامـه
كلب(ن)نبح من كثرت الخير شبعـان = وعــن الـولايـش مغنيـتـه القـمـامـه
والموت حاصل ماعـن المـوت مزبـان = يوم(ن)عـنـه مـابـه مـفـر وسـلامــه
ومـن احترمنـي قلـت لـه ياكحـيـلان = ومـن عزنـي عنـدي عزيز(ن)مقامـه
ولا قول انا اللي بس بالكـون فهمـان = ولانـي مــن الـلـي مايثـمـن كـلامـه
وهرج الرجـل لا نيـت الرجـل عنـوان = والخبـل مـن جــرف ايتـوطـا عـدامـه
والذيب ماينشـد عـن الكلـب طوقـان = لاجــاع اخــذ شـاتـه وكـــدر مـنـامـه
ولادمـي ماعصـم مـن زلـت الـسـان = ونـوب الخطـا لـرجـل درس وفهـامـه
والعـذر يرفـع قـدر مـن كـان غلـطـان = الـيـا رجــع لـلـحـق وابـــدا الـنـدامـه
وش مكسب الانسان لامات الانسان = غـيــر الـعـلـوم الطـيـبـه واحـتـرامـه
وحفـظـه لديـنـه واحتـرامـه لـلـديـان = وكل(ن)حسـابـه بالقـيـامـه امـامــه
وان طــولــت وصـلـتـهــا لابـلـيـهــان = الـلـي جـــزال الطـيـبـات اهتـمـامـه
ضد الحقود اللـي مـن الخيـر طغيـان = وعون الذي معدوم الاحساس ظامه
اللـي ليـا منـه غضـب تـقـل بركـانـه = مـنـه الصـخـر يبـقـا رمــاد وهـدامــه
ماهو مـن اللـي بالرخـا طيـر حـوران = ولاجا الصحيـح انـدس مثـل النعامـه
وغـدا رخمـه واذل فـي نتظرتـه بـان = وقعـد يرفـرف مـثـل فــرخ الحمـامـه
مافـيـه عــز ومــن تـرجـاه خـسـران = بوم(ن)تعـشـالـه غـراب(ن)هـلامــه
والخوف لو ماكنـت فـي دولـة ايمـان = الـلــي مواطـنـهـا يـــرم الـخـمـامـه
لكـن انـا بالطهـر بلـد وسـط الـوطـان = بــلاد شــرع وحـكـم عـــز وزعـامــه
فـي حكـم عبـدالله ونايـف وسلطـان = وتاسئس من بسمه وصلت الفخامه

صح الله لسانك ..
وسلم بنانك .. وبيض الله وجهك
لاتحرمنا دررك ..
دمت بخير مع التحيه
دلوعته
:

الشاعر القدير خليف الوهيداني

صج السانك على هذه الدرر المليئة بالحكمه والموعضه والله يعطيك العافيه

تقبل مروري وتحياتي

ولاخضع لمثلك ياعديـم الشهامـه
عز وشموخ

فقـرن بعـز ولا غنـات انهزامـه
عزت نفس ورجوله

وكلش يهون الا الشرف والكرامـه
نعم صح السانك

لو صار له من كثرت المـال هامـه
نعم العبره بالرجوله لا بالمال

وعن الولايـش مغنيتـه القمامـه
نعم هذا هو زمن عيال الرخوم والكلاب

يوم(ن)عنه مابـه مفـر وسلامـه
يالله المستعان وحسن الخاتمه

ومن عزني عنـدي عزيز(ن)مقامـه
نعم كل رجل يجلس بمكانه

ولاني من اللـي مايثمـن كلامـه
ثقه بالنفس وتواضع

والخبل من جرف ايتوطـا عدامـه
نعم الاعمى عمى البصيره وليس عمى العيون

لاجاع اخذ شاتـه وكـدر منامـه
ابداع ومن عوايدك يابن خزيم وهذا ليس غريبا عليك

ونوب الخطا لرجـل درس وفهامـه
مامعصوم من الزلات غير محمد , وخيركم من تعلم من اخطاءه

اليا رجع للحـق وابـدا الندامـه
الرجوع إلى الحق فضيله نعم

غيـر العلـوم الطيبـه واحترامـه
هذا هو الصحيح كلٍ مذكورٍ بما قدّم

وكل(ن)حسابـه بالقيامـه امامـه
نعم حقوق الله عليك وحقوق خلقه صح السانك

اللـي جـزال الطيبـات اهتمامـه
هنا اشتد الوطيس

وعون الذي معدوم الاحساس ظامه
معدوم الاحساس لايظيم وأنت اكبر منه

منه الصخر يبقـا رمـاد وهدامـه
الله يديم عزهم

ولاجا الصحيح اندس مثل النعامـه
انت ادرى بما تقول

وقعد يرفرف مثل فـرخ الحمامـه
اكيد ان فرخ الحمامه أمامه فرخ عقاب

بوم(ن)تعشالـه غراب(ن)هـلامـه
هذي والله المشكله

اللـي مواطنهـا يـرم الخمـامـه
اعزها الله بعزه وحفظها من كل مكروه

بلاد شرع وحكـم عـز وزعامـه
نحمدالله ونشكره

وتاسئس من بسمه وصلت الفخامه
ادمهم الله عزاً للاسلام والمسلمين آمين
وصح السانك ياشاعرنا خلفيف الوهيداني

اشكر كل من خط قلمه هنا
والتمس العذر من الجميع
على عدم الرد لكثرت اشغالي
واشكر الشاعر الكبير جمعان خلف على رده
الشامخ والذي سرني جدا
ولكم احترامي