ولهن عليك القلب والعين تشتاق=شوفك ليامن غبت لوهي دقيقه
خلك هنا لاتروح يدم الاشفاق=تبقى العلاقه في هوانا وثيقه
وانا عمد بيتك ونا لبيتك افاق=اسعى لما يرضيك بيا طريقه
اطلب تمن ولايجي بالك ارهاق=الك المزايا اجداد ماهي عتيقه
مايتعب العاشق من العشق لو ذاق=اقسى ظروف الوقت كربه وظيقه
ضاق المكان وداعي العشق ماضاق=مدام مجبولن على العشق ريقه
يشرق نهار الحب مع كل مشراق=والحب يزرع بالنفوس العريقه
ويطلع مثل طلع الثمر فوق الاوراق=متفرعن فوق الغصون الرقيقه
وانا زرعتك حب في وسط الاعماق=ماهو خيالن كان زرعي حقيقه
وبني على زرعي صناديق ونفاق=لني رفيقن مايبوق برفيقه
ماابوق دام العهد موجود مانباق=لو يلحق بحالي هوايه لحيقه
وخلك هنا موجود لاتطري افراق=قلبي لك النادي وقلبك فريقه