يا واقع (ن) عكّسْ جميع المفاريض = ما عاد ينفع فيه وضع افتراضي
واقع مرير ولا يجي فيه تعويض = في مشكلة حاكم وشاهد وقاضي
زعلان أرادف كلمة الغيض بالغيض = وإن قلت أنا راضي فلاني براضي
وأروض الأبيات بالصدر ترويض = لو أنها عسرت سكون ومراضي
قامت ترادف كنها جمع تفويض = غبت بحر ما عاد فيها مغاضي
يهيض حرف الشعر بالشعر ويفيض = ومن حر ما فيني من الشعر هاضي
يكن في جوفي ضروب المباريض = والهم في وسط المعاليق فاضي
راحت ولا هي راجعه بالمعاريض = زادت بطول و زاودت باعتراضي
عقب البناء يا شين دور التناقيض = صعب البناء لا شك سهل النقاضي
مابين تدبير (ن) وما بين تحريض = وبرق الغدر بين الرديين ناضي
تحججوا في كل درب (ن) وتغريض = دك الظلام يضيع فيه البياضي
حنا وردنا العسر من دون تجويض = يوم الردي عن جانب العسر جاضي
دايم علينا بالردايا مراكيض = ود الثعالب للنمور انقراضي
والحر لا من طار زاد التناهيض = والليا نزل يرقى بروس النهاضي
راحت وحاديها سواد(ن) مع بيض = يوم أبعدت زادت هجاج وركاضي
يالله طلبتك من جنابك معاويض = والحكم حكمك ما عليه اعتراضي

المشاركة الأصلية كتبت بواسطة غازي البراك (المشاركة 26263) وشو اقول عنك يابو مهند اقول عنك شاعر مبدع رائع ولا اقول عنك مصمم رائع كل نوع من انواع الابداع لك نصيب فيه عيني عليك بارده حفظك الله ورعاك والله يابو مهند وجودك في هذا الصرح يهمني ويشرفني ويسعدني