ياريم انا ماشفت وصفك مع الناس=ونت الذي عذبتني في حياتي
ياريم ياريم الفيافي والاطعاس= اسعف مريضك قبل وقت المماتي
من سبتك ماغفغف الطرف بنعاس= زاد السهر عيت اعيوني تباتي
عليك رطبات المعاليق يباس=راحت حياتي راس مالي عباتي
اذهب مع التفكير روحه ومن كاس= ماغاب طيفك يامناي وغناتي
ياما ذكرتك كل ماهب نسناس= وياما نضرت بسابق الذكرياتي
وياما كتبت اسمك على كل قرطاس= لين اشتكى بيض الورق من سواتي
مرت على ذكراك والناس جلاس= تابعتها بصورة خيالك اسكاتي

اخي مفلح ..

اسعد الله جميع اوقاتك بالرضا والمسرات ..

صح لسانك وقصيده رائعه ..

ياريم ياريـم الفيافـي والاطعـاس**اسعف مريضك قبل وقت المماتـي

بيض الله وجعك على هذه القصيده الجزلة ولا تحرمنا جديدك ..

وتقبل مروري..

المشاركة الأصلية كتبت بواسطة عبدالله_العجوني (المشاركة 23631) صـــــح للــــــــــسانـــــك مفلح النميش ولاهنــت على الابيـــات الجـــــــــــــــــزلـــــة تقبـــــل تحيــــاتــي

صح السانك اخي مفلح النميش

وياما كتبت اسمك على كل قرطاس=لين اشتكى بيض الورق من سواتي

صح لسانك ياشاعرنا مفلح النميش

على هذي القصيده الجزله