على عزّ وشرف جينا نبارك موقـع البـراك=تشرفنا بعرفة صاحبـه عرف(ن) يشرفنـا
نحب الطيب واهل الطيب واللي مثلك وشرواك=عسى موقعك يا غازي يرحب في معرّفـنا
تقدم واطلب التوفيق من خالق اشجرة الـراك=ترى ذكر الحياء والطيبين ايبيـن ما يفنـا
غزيت العنكبوتيـه بمحض إرادتك وارضـاك=محرك بحث قوقـل سجلك ما قال يؤسفنـا
انا واثق ثقه شايبك ربـي يرحمـه وصـاك=على الطاعة وحب الخير موقف مثل موقفنا
عسى ربي يعينك شـد حيلك موقعك يزهـاك=نبي منك الجديـد اللـي يفيـد ولا يكلفنـا
تخيّر ما يناسب موقعك واثبـت على مبـداك=إلـى منـا دخلنا ما نقـول انـا تحسفنـا
وشاور من بني عمك حكيم الراي ما يشنـاك=ترى ربعك حزامك وانت اضنك ما تخالفنـا
نصيحة منصح(ن) لك واعتبر يمناه في يمناك=نقدمها لكم عملـه نقيّـه من مصارفنـا

وســــلامتــــك وسلامـة الجميــع


اخــوك

ابــو مــازن

مرورك شرف لي يابن العم والله يعطيك العافيه واتمنى لك كل التوفيق بالدنيا والآخره
تقبل تحياتي