تفارقت انا وياه في ليلة الاثنين = بعد حب خمس سنين وشلون ينساني
حسيبي على حظ الردا والزمان الشين = زمانٍ طعنّي غدر في كف خلاني
اكن الحزن واخفي عن الناس دمع العين = علشان ما يشمت بي فلان وفلاني
وانا كان عادت للصراحه على نارين = على نار شوقي وانكساري وحرماني
يا ما اكبر غلاه اغلا بعيني من الغالين = ويا كبر حبه مالكن كل وجداني
ولا اشتاق شوقٍ واحد ! اشتاق له شوقين = شوق الحب وشوقٍ في خفايا الصدر ثاني
وعزة إلــــهٍ خالق بنادم من الطين = هويته وحبيته وهمّلت صحباني
ليا قال احبك قلت يفدنك الثنتين = عيون بغيابك تنثر الدمع وتعاني
ولكن على الله وين انا رحت وانتي وين = تحد الظروف انساك بكره وتنساني
واذا كنت مقفي لا يردنك الرجلين = تفضل بدربك كان لك قلب يجفاني
واذا كنت لا روّحت ما تسمع الداعين = ابعلمّـك عن سلم ربعي وجداني
انــــا!!! من سلايل قوم ما تتبع المقفين = لو انه من غيابك نشف دم شرياني !!!

وانا كان عادت للصراحـه علـى ناريـن على نار شوقـي وانكسـاري وحرمانـي
وانت يالراهي تبي الصراحه كل ماقرا قصيده لك اتذكر الشعراء المبدعين الكبار مثل مساعد الرشيدي ؛ سلطان الهاجري ؛ ضيدان بن قضعان
واقول انت متاثر بقصايد الشاعر سلطان الهاجري بالذات المهم
صح السانك وجزالله هذا الموقع خير حيث وجدت فيه قصايد الشاعر
المبدع الراهي الذي مازالت اقول انه لم ياخذ حقه من الظهور الاعلامي
ويمكن تكون انت احد الشعراء المعروفين ولكن لم تفصح عن اسمك

المشاركة الأصلية كتبت بواسطة المر العذب (المشاركة 15071) الراهي.. شاعر قادم.. شاعر به حرفنه شعرية.. ولكن هناك عدة أخطاء ..لاأعلم هل هي مطبعية أو ثقل بالبيت.. وكذلك..لغة الخطاب بالتأنيث والتذكير... شكرا مدد بلاعدد.. واتمنى أن يتسع صدرك لماأبديت من ملاحظات..

المشاركة الأصلية كتبت بواسطة الراهي (المشاركة 14991) تفارقت انا وياه في ليلة الاثنين = بعد حب خمس سنين وشلون ينساني حسيبي على حظ الردا والزمان الشين = زمانٍ طعنّي غدر في كف خلاني اكن الحزن واخفي عن الناس دمع العين = علشان ما يشمت بي فلان وفلاني وانا كان عادت للصراحه على نارين = على نار شوقي وانكساري وحرماني يا ما اكبر غلاه اغلا بعيني من الغالين = ويا كبر حبه مالكن كل وجداني ولا اشتاق شوقٍ واحد ! اشتاق له شوقين = شوق الحب وشوقٍ في خفايا الصدر ثاني وعزة إلــــهٍ خالق بنادم من الطين = هويته وحبيته وهمّلت صحباني ليا قال احبك قلت يفدنك الثنتين = عيون بغيابك تنثر الدمع وتعاني ولكن على الله وين انا رحت وانتي وين = تحد الظروف انساك بكره وتنساني واذا كنت مقفي لا يردنك الرجلين = تفضل بدربك كان لك قلب يجفاني واذا كنت لا روّحت ما تسمع الداعين = ابعلمّـك عن سلم ربعي وجداني انــــا!!! من سلايل قوم ما تتبع المقفين = لو انه من غيابك نشف دم شرياني !!! ******** type="text/**********">doPoem(0)***********

المشاركة الأصلية كتبت بواسطة الراهي (المشاركة 15829) يالمر العذب مساك الله بالخير لن اجادل معك بالكلام كثيرا لاني انسان على وضح النقا وبعدين وش جاب سعد صويان؟ الحين تأكدت ميه بالميه ان نظرك يخونك واكرر بدّل نظارات انا ما تطرقت لاسم شخص وما جبت طاري سعد صويان ولكن تبي الحقيقه اذا كان ماخذ على قولتك دكتوراه بالشعر النبطي؟ من كان المقيّم له؟ دكتور اردني ولا مصري؟ وهل هؤلاء يفقهون بشعرنا النبطي؟ وهل يفقهون بمفرداتنا؟ وهل يفهمون معانينا؟ وبعدين انت ما تعرفني كيف تحكم على ثقافتي؟ ما تظن ان هذا استفزاز وقذف مباشر؟ ولكن اللي على راسه بطحا يتحسسها انا اقول لك شي واحد خذ البيت بما انك على قولتك في موضوعك غير ملّم ولست بشاعر الى شاعر وإسأله عن وزن البيت مع اني متأكد انك مجرد شخص ما عنده شي يثبت نفسه فيه فأراد ان يسلط الاضواء على نفسه من خلال استفزاز الاعضاء والمتذوقين والشعار انا ما عرفت اسم المر العذب الا من خلال تحرشاته بالشعار بصراحه لم اجد موضوع له يتحدث فيه عن الشعر او ما يفيد القارىء مجرد استفزاز وانتقاد وكلام متناقض احيانا نجدك تقول انك لست بشاعر واحيانا تنتقد وتعرف كل شي ياخي لا تناقض نفسك اثبت على وجه واحد اترك الاقنعه البايده ولكي انهي الموضوع من اساسه وش رايك نحط شاعر ينصف بيني وبينك من خلال هالبيتين؟ انسخ البيتين وحطهن بموضوع واختر اي شاعر واذا كنت ترى ان غازي البراك راح ينصفنا اساله وخله يجاوب علينا لانك ابلشتنا وانت على قولتك منت شاعر شلون لا صرت شاعر بكره وش تسوي؟

لن نتحدث عن أمور أخرى فقط أجبني كيف أنطقهم ليكون البيت الثاني موزون؟

1-انك تعتبر نفسك فوق النقد.