صباح.الخير
اسلام.علييكم.
صباح.خيروين.ااشعار؟ نبي.نخذ.لنا.طااروق |
رد: صباح.الخير
صباح لخير وين اشعار وين للعب به احد؟
|
رد: صباح.الخير
ارحب ياداوود
|
رد: صباح.الخير
داوود يادواود والدنيا على ساق وقدم = وانته تحسبن الليالي زاهب طاروقها
لكن وقف قبل لاتاطا على شوك السلم = دام البضائع كلبوها خابرن صندوقها |
رد: صباح.الخير
تسمحلي ارد عليك يالواصل نيابه عن داوود ودي اتعلم منك
|
رد: صباح.الخير
ارحب ياصديقي زعيم الشواعير اعلمك واعلم ابوك اللي جابك ههههههه رد رد يابعد عيني
|
رد: صباح.الخير
حنا نعبد الله كريم الوجه مانعبد صنم = ياللي تميز بالسوالف لاتعد فروقها
انته علم وانا سواتك باللقا شاعر علم = والمزنه الغرا على راسك تلوح بروقها |
رد: صباح.الخير
ارحب يالواصل والله يبارك فيك اللي اتحتلي الفرصه للعب معك وتراني مبطي عن الطواريق لكن الله يعيني عليك هههه |
رد: صباح.الخير
ياللي بنيت المجد في عرض البسيطه وانهدم = وشلون خليت الحيايا تقرصك بشدوقها
انا رسمتلك الخريطه وانته اخلفت الرسم = رسمتلك حدود تعط المسلمين حقوقها |
رد: صباح.الخير
ماضاعت اوراق القضيه ضاع من يدنا القلم = والشجره الخضرا منام الطير عند عذوقها انـــتـــه تحسبني اعـــض اصــابعي امن الندم = تراك جاهل بالصقور النادره وسبوقها |
رد: صباح.الخير
عـــقــب لفيت بحفظ ربي تقدر تشيل العلم = وتخاطب رجال كريمه يعجبك منطوقها
الشهم لوطال الزمن يرجع على دار الشهم = وانته صغير السن تجهل بالحياه وسوقها |
رد: صباح.الخير
الله ولارجال لامن قدم الهرجه ظلم = يستاهل الكيه تحط بكبده ومعلوقها
ضربه توقع بالعضم ضربه توقع باللحم = ابضرب الثنتين والجاهل لابد يذوقها |
رد: صباح.الخير
المحترم لوطالت الايام يلقى محترم = اخير من واحد لاشاف الناس زر حلوقها هههههه
مافيه شي ن يجبر الرجال يضرب بالعضم = الابحاله مثل شمس القايله وشروقها |
رد: صباح.الخير
انته رقم واحد وغيرك ضايع بليا رقم = وانا صحيبك بالليال القادمه وطروقها
يالشاعر اللي جبتلك فكره جزيله من عدم = الارض ماضاقت بهلها والسما من فوقها اشهد بالله انك شاعر علم استمتعت بهالطاروق معك ويعلم الله اني مبطي عن الطوارريق الرائعه شكرا لك يالواصل ومع السلامه |
رد: صباح.الخير
تسلم يازعيم الشواعير والى الامام وانت شاعر مبدع عسى الله يوفقك ونشوفك بالمغتره
|
رد: صباح.الخير
الله لايهينك يالواصل وشكرا على الاطرا
|
رد: صباح.الخير
الواصل وزعيم الشواعير صحة السنتكم
لله دركم على هالطاروق ابداع من كل الطرفين تحياتي وتقديري لكم |
رد: صباح.الخير
تسلم يالمشرف الرائع سعود العجوني والابداع مرورك وماتخليني العب معك طاروق اتعلم منك الشعر
|
رد: صباح.الخير
الله واكبر على هالطاروق الجزل طاروق درر الصراحه صح السنتكم وبيض الله وجيهكم
|
| الساعة الآن 08:17 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir