سلام ياهل المنتدى
سلام ياهل المنتدى اللي لاصياح ولاصفير = تقول قاضبته ملائكة السما بايدينها ياصحابنا الشعار من عين مع الطرق البعير = اللي وصوفه بين ذيدان العرب يازينها |
رد: سلام ياهل المنتدى
الله الله يالواصل صح لسانك انا بصفك باانتظار احد يرد
|
رد: سلام ياهل المنتدى
وليه ماترد يالشيخ ولاتكبرت عقب الاشراف
|
رد: سلام ياهل المنتدى
لاوالله ماهو كبر لكن الهواجيس ماش ان مارد احد عليك ارد عليك الليله الاربعاء الشعار واجد انا متابع
|
رد: سلام ياهل المنتدى
طيب على راحتك يابن وضاح الله يذكره بالخير
|
رد: سلام ياهل المنتدى
رد رد يابطاح لايسري الليل وحنا مالعبنا انت لونلعب معك عشرين طاروق ماينمل اللعب معك
|
رد: سلام ياهل المنتدى
يامرحبا عند النشامى اللي لهم قدر ن كبير = والا المشاكل حد رب الكون بيني وبينها ماضاع من مال البدو شي قليل ولاكثير = دور على بعيرك بديره مثل دينك دينها |
رد: سلام ياهل المنتدى
دام البقا يالشاعر اللي كل مابطا دق زير = مايشبه الا الحمام الورق في تلحينها
انته توردها يابن وساح للجم الغزير = والسالفه رموشها لازم تغطي عينها |
رد: سلام ياهل المنتدى
عزالله انك صقر يالواصل ولكن ماتطير = ياشينها وان خانك الريش الحمر ياشينها هههه ماعاد شي ن بالبلد يمشي على سلك الحرير = طعني بيوت ن ماتجمل دورو تثمينها |
رد: سلام ياهل المنتدى
اركد هداك الله ولاتاتي على المعنى مغير = الطيبه في حينها والثانيه في حينها
بيت الغناوي مانبيعه يم رجال ن فقير = لين الرحاه تدور وتعود سواة طحينها |
رد: سلام ياهل المنتدى
ياللي تدور للبشير وجاك رجال نذير = الطيبه ناشدك بالرحمن قلي وينها اجل الخساره واضحه في رز ولافي شعير = وحنا بيوت ن ضلتك بفلوسنا شارينها |
رد: سلام ياهل المنتدى
اعوذ بالله الناس وينهم مالهم بينه يااهل الديار وين الجمهور اللي كان يشجعنا وين عوض ووليد والكنق وشبل البراك والجريمي والعاقل وباقي الربع |
رد: سلام ياهل المنتدى
وشلون ابدلك يابن وساح دام انك ضرير = المشكله جرتك ياالمقرود في رجلينها
لسانك اللي طوله غازي بعد حطك وزير = ياشجرة لوتنحذف ماياقع الاتينها ههههههههه |
رد: سلام ياهل المنتدى
ماهناك احد الدار خلي لكن بكره تلقى الردود هذا كثرها الناس بام رقيبه وانت باليمن وش عرفك هههههههههههه
|
رد: سلام ياهل المنتدى
صح لسان الشاعرين
بيوت لها معاني متابع وبصف الواصل هههه |
رد: سلام ياهل المنتدى
الناس اختبارات وبكره الخميس الربع بام رقيبه
|
رد: سلام ياهل المنتدى
حياك الله يالساعي هذا باليمن وش دراه عن الناس هههههههههه
|
رد: سلام ياهل المنتدى
انته على حالك بصير وصاحبك مثلك بصير = السالفه لاتحسب ن اهل البلد ناسينها غازي ذكي ن من ذكاه البسك للبشت القصير = لان الحويه دايم ن تبحث ورى سكينها ههههههه تصبح على خير يالواصل تشرفت بهالطاروق معك ومن عندي انتهى |
رد: سلام ياهل المنتدى
وانا من عندي انتهى يابطاح وماتشوف شر
|
رد: سلام ياهل المنتدى
اجل الناس بام رقيبه وانا بمقاهي صنعاء اشيش والعب معك ههههههههههه
|
رد: سلام ياهل المنتدى
لله دركم من شعار صح السنتكم استمتعت بالطاروق وانا اقراءه لكن احترت مادري وين غدى بعير الواصل هو لقاه ولالهالحين الله العالم ان بعير الواصل مثل بعير خليف بن دواس ههههههههههه
|
رد: سلام ياهل المنتدى
الله الله
صح الله السنتكم وبعير الواصل الظاهر انه قد قطع الحدود هههههههههه |
رد: سلام ياهل المنتدى
لله دركم من شعار صحة السنتكم استمتعت بالطاروق وانا اقراءه
اعتقد ابعير الواصل ماهو غريب على بطاح ولكن ماوده بطاريه بالمره هههههههههه تقبلو مروري وعجابي |
| الساعة الآن 09:38 PM. |
Powered by vBulletin® Copyright ©2000 - 2025, Jelsoft Enterprises Ltd. TranZ By Almuhajir