اليل والمشوار والمفتاح والمعنئ الثقيل =حول الديار اللي مع الساعه تهل الدموعها =

الناس ضاقت ولبسيطه تشتكي في كل ليل =وسود اليالي تنكر النجوم العرب وفزوعها=

سهيل باقي في مكانه كان تنشد عن سهيل = ماطاح يوم ان النجوم العام حل وقوعها

ياللي تسولف والسوالف بين بن وبين هيل = واجب عليك الليله الظلما تشب شموعها

لا تلد عينك للبعير الشعيل والسيف الصقيل =اللمشكله با الديره اللي ضيعو جربوعها =

ادفع حروف الشعر والتصوير با المعنا الجزيل =حتئ العرب من كلمتك ترمي عليك الدروعها=

ارقد بامان الله وريح عينك بليل ن طويل = واهل المشاريع الرخيصه مانجح مشروعها

الشعر رسم ن بالخيال ولا يجيب المستحيل = والعلم يم اهل البشوت اللي تزل سموعها

كل الكواكب غايبه يا اللي تبا تحط وتشيل =لاكن صلاتك صلها بسجودها وركوعها=

الشعر ديوان العرب وش قلت يا صدر البخيل =وام الكباير مانت سارق وردها وطبوعها=

كل يبا يفارق بلاده لاحضر وقت الرحيل = وحنا بخصنا العالم اللي ماتدل سنوعها

انا عطيتك حجة ن تدمغ وجيتك بالدليل = ياللي تهاب من شجره حطتك تحت فروعها

توك دريت انك با ها الدنيا مثل عابرسبيل=والناس ماتدري عن احياه ولاعن جوعها=

انت تخيل شي لاكن لاتميل ولاتعيل=يا للي حبالك فوق متنك طايحن فاروعها=