على سطح البسيطة دربنا يشبه لنجم سهيـل = وضوحة مثل نجم سهيل ما شيـا يحاليلـة

قبل لاينزل القـرآن والتـورات والإنجيـل = ما معبودٍ ياغير اللي ومـر خلقـة تصليلـة

تمسك في عروية الوثيقـة ثـم شـد الحيـل = أخذ راي المجـرب غيـر هـذا لا تراعيلـة

هو الي لاعطي يعطيك مايعطي عطاة بخيـل = هو اللي يستمع لضايـق اللـي راح يشكيلـة

معه خلك معه وأنا كفيلـك مايجيـك الميـل = ولا تمشي بدربٍ به يجي عشريـن تحويلـة

ترى إن جنبت هذا الدرب صار يحط ثم يشيل = عليك الشايب اللـي دايـمٍ تعـزف مواويلـة

وزمانك لاتذمة ذم من بـه يبخسـون الكيـل= وتحياتي لمن مـن فعلهـم بيـضٍ معاميلـة

يكابد من لهيب الشمس في رجوى براد الليل = صموتٍ ما بصـدرة تنضرة داخـل مضاليلـة

يعرف ان المسافر ينتهي مهما بلغ مـن ميـل = بدارٍ ضيفها ياكل ويشـرب مـن محاصيلـة

خذا العبرة من أرض الواقع الي مابها تمثيـل = هداه الله وخير الهدي هـدي آخـر مراسيلـة