جيت يابطاح والحوض قدام الورود = وأن وردنا الحوض قلنا على الله الصدر
نثبت الميقاف مايهج ياغير الشرود = أفتح الرادي دقيقة ويعطيك الخبر

هيه يابوقلب ن اسود ترى العالم شهود = دام من بيتك من قزازه لاترمي بالحجر

انت لامديت زود الكلام يجيك زود = والله انك بعدها ماتنام من القهر

آخر الدنيا يطير الشرار من الزنود = جعل منت اللقمة اللي يضيق أبها النحر
كل سلعة سعرها داخل السوق محدود = كان جبت أجنيه أعاملك بجنيهن حمر

الصقور الها مزايا ماهي مثل القرود = لاتحفر وندفنك وسطها بعد الحفر

جعل عرف تعرفه ياعميلي مايعود = عقب عادت للجنيهات البسك الدرر

ياجمل لاتسري الليل وتبيح السدود = ثم ترجع في محلك لابطن ولاظهر
أنت لو تأتيك حية تحفر لها لحود = ما خذ بعض السواليف من زيد وعمر

كان قاطع موترك وقف وعبه وقود = لاتوصيني وانا شيخ واغرف من بحر

حظنا ماهو براقد كما الناس الرقود = ولاينقص قدرنا راع الوجه الودر

كل ما خيل سماكم سمعنا له رعود = والحقيقة مالقينا لابرق ولامطر
يا أحمر العينين ماني بورع ن بالمهود = رجل صاحي واتحدى اهل البحر الحمر

الوكاد ان الحصاني تغار من الاسود = والحقيقه بعض خلق الاله بلانظر

ياعميلي عقب صارت دعاويكم سهود = خل عنك الرميه اللي نتيجتها صفر