سلام واحكامه لنا فرض وسلوم = تحية الاسلام في شرع الاسلام
سلامٍ احلا من لبن فطرٍ كوم = وضحٍ على حيرانها ترزم ارزام
في روضٍ اخضر والسماء برق وغيوم = مايزعج النايم رعدها اليا نام
سلام في عقدٍ من اللول منظوم = بوح المشاعر دوّنه حبر الاقلام
على الحضور يعم ويخص زيزوم = فيصل ولد مشعل ذرى كل منضام
ابن الامير اللي امقدر ومحشوم = وحفيد من فيه الكرامه والاكرام
الي الشرف وانا بالاشعار ملزوم = من دافعٍ في حب الاكرام مايلام
للشعر فرصه لاحضر مثل هاليوم = وللشاعر الفرحه بتحقيق الاحلام
أما ايتعثر في مكانه ولايقوم = وإلا يقوم وقومة الخير لاقام
الشعر في راسي هواجيسه اتحوم = وده على امواجه سموك من العام
استاذنك ياسيدي عندي علوم = من راس ماهي من محطات الاعلام
كنت انتظر هاليوم في حبة اخشوم = واليوم جادت في مواجهك الايام
واللوم مني وأنت مايلحقك لوم = بابك امشرع للاحبه والاخصام
وأن كان تاخيري امقدر ومقسوم = فأنا ربحت اليوم والخير قدام
الخير في وجهك عسى عمرك يدوم = ومن عهد ابو تركي عزيزين واحشام
يوم إنها في عصر هازم ومهزوم = وحنا بخير ونصر وبعز وانعام
مافيه فرقٍ بين حاكم ومحكوم = من دون بيت اللـه جنودٍ وخدام
بالسمع والطاعه لكم دايم الدوم = عهدٍ توارثناه من عصر الايمام
عبدالعزيز امطوع القوم للقوم = صقر الجزيره للمشاهير مقدام
ياللـه عساه بجنة الخلد مرحوم = وياعلها تشمل خواله والاعمام
والناس فيهم بين معطى ومحروم = وحنا عطانا اللـه بلادٍ وحكام
حكامنا آل سعود شجعان وقروم = وبلادنا مهبط وحي قبلة اسلام
مافيه لاظالم ولافيه مظلوم = الشعب راضي وآخذٍ حقه التام
في ظل ابو متعب زبن كل مضيوم = اللـه يمتع بصحته أعوام وأعوام

ســلام فـــي عـقــدٍ مـــن الـلــول مـنـظـوم
بـــوح المـشـاعـر دوّنــــه حــبــر الاقــــلام
عـلـى الحـضـور يـعــم ويـخــص زيـــزوم
فيـصـل ولــد مشـعـل ذرى كـــل مـنـضام


صح السانك وعتلا شانك ابداع متجدد من شاعر الجزاله جمعان الرشيدي والممدوح يستاهل اكثر من ذالك
تقبل ودي وخالص تقديري لك يابو خليفه

صح الله لسانك واعتلا شانك ياجمعان بن خلف على هذه الدرر
التي تعودنا سماعه من شعرك الفذ
تقبل ودي وتقديري واعجابي بشعرك